ملخص قصتى ف جمله

سنين ماشى
و شايل الهم فوق كتفى
و لا مره
سمحت لدمعتى بكلمه
و لا مره
سمحت لقلبى لو يبكى
مانا جامد
و كتفى ع الالم شاهد
و ع الكتمه000
و طول صبرى
و تدليلى لامل رافض
يطل عليا لو طله
يشجعنى اجيب قله
و استنظر
رحيل همى
و أكسرها وراه و اضحك
و انادى بكره و ف ايدى
منى شابب
بيتعلم
حروف النطق و بيحبى
لطاقة نور
و حلم جميل
بيورق فرح و يزهر
و بيكسر
حيطان الجرح و الغربه
و يهدم سور
بيعلى له سنين يامه
و دوامه
داير ما يدور
محاوطه حلم مش قادر
يقب و ينطر العتمه
و يهل زهور
يداوى كسره مبحوحه
و غربة روحى و النوحه
و يفتح سكة الروحه
لدنيا سرور
مخاصم قلبى من صغره
و قاسى كتير و طول عمره
ما حن عليا لو مره
و لا بيمسح دموع مره
على باب المنى كاتبه
ملخص قصتى ف جمله
هنا اللى عاش كما الميت
و يوم ما يموت يا مين عالم
هيلقى الضلمه أحضانه
و للا راح يشوف النور

عادل عوض سند كتب:

رأفت المصرى يا جامد

والله اشد على يدك وارفع لك القبعه على جمال قصيدتك .

ورغم الحمل وانتظار الامل غلا انه لم يأتى .

وقصتك تتلخص فى ان :

الاموات وخصوصاّ اللى بيموتوا منها ما بيشفوش النور .

وانت هنا ابدعت الصوره والتركيز على صلابة الجأش

وقوة الشاعر فى السباحه برفق على بحر الهزج .

احييك على جمال نصك الرائع ...

الاخ الحبيب و الشاعر القدير استاذ عادل عوض
الف شكر استاذنا لتواصلك و تعقيبك على النص
وشكرا لكلماتك الجميله التى هى شهاده اعتز بها جدا اخى الحبيب
لا حرمنى الله تواصلكم الجميل وودكم الصافى
كل التحيه لكم

الأخ الشاعر / رأفت المصرى
كم هى جميله ومعبرة كلماتك الراقيه
أتمنى لك التقدم والرقى دائما والمزيد من هذه القصائد الرائعة

الشاعرة عزة الزرقانى كتب:

رائع بالفعل ايها القدير رأفت المصرى
سلمت وسلم قلمك وحروفك المبهره
دمت بحب وابداع

استاذه عزه
كل الشكر لكم للمرور و التعقيب
احترامى

الشاعر عماد عويس كتب:

الشاعر الجميل/رأفت المصرى
(ملخص قصتى ف جمله)
وأنا ملخص كلمتى فى جمله
أنت رائع وجميل كابداعك
تحياتى وخالص مودتى

الشاعر الاستاذ عماد عويس
الاجمل هو مرورك و تواصلك اخى العزيز
احترامى و تقديرى