كوتشينه

كل العيون شرايينها تنزفنا جروح

كل الجروح قاست فى نوح المستحيل

لما انحدف فوق الرصيف شلال وجع

بيجوع بدننا فى الآهات

حبة دموع واقفه على شط الحدود

يمكن نعيش لحظة صراحه تضمنا

قبل التحام المشنقة

ضيق الحبال خانق قوى

طعم الكلام من سمّهم

يمتدّ للضلع اليمين

فارد دراعات الوجع

لما الجنين يصرخ

فى عز الموت :حياه

لما اترسم جوه الحياه موت

والحياه هيه كمان

عايشه فى حضن الموت

فى ساعة الإنعزال

بين ضحكنا وبين حلمنا

بين التراب

ساعة لـُقانا بربّنا

اللى بيسمع همسنا

إيه ذنبنا ؟

أشلاءْنا فى صرخة دموع

موجه فى بحر سواد

على غدرها عاش الوجع

لما التقط حلم الورق

كوتشينه ترسم همّها

صار الولد

شايب وطن

وَيَّا بنات من شعبنا

العايش سكات

كوتشينه فى الأحزان تبات

بين طرحها فى اللاوجود

صارت ريموت

لما طيور المظلمه

عاشت جمود

ومحرَّمانا ف حلمنا

نلمح ملاك

جانا الهلاك

طلقات رصاصه تنطلق

روح الوطن

مستخسرانا تحسِّنا

يبقى طبيعى نعيش

فى موتنا فرحنا

ولا ننعى مره بين جروحنا بختِنا

كلامك فيه إحساس جميل ومليان صدق وفيه ألم واضح ولكن أجمل ما فيه الصدق وعمق النظرة

رشا فؤاد كتب:

كل العيون شرايينها تنزفنا جروح

كل الجروح قاست فى نوح المستحيل

لما انحدف فوق الرصيف شلال وجع

بيجوع بدننا فى الآهات

حبة دموع واقفه على شط الحدود

يمكن نعيش لحظة صراحه تضمنا

قبل التحام المشنقة

ضيق الحبال خانق قوى

طعم الكلام من سمّهم

يمتدّ للضلع اليمين

فارد دراعات الوجع

لما الجنين يصرخ

فى عز الموت :حياه

لما اترسم جوه الحياه موت

والحياه هيه كمان

عايشه فى حضن الموت

فى ساعة الإنعزال

بين ضحكنا وبين حلمنا

بين التراب

ساعة لـُقانا بربّنا

اللى بيسمع همسنا

إيه ذنبنا ؟

أشلاءْنا فى صرخة دموع

بين موجه فى بحر سواد

على غدرها عاش الوجع

لما التقط حلم الورق

كوتشينه ترسم همّها

صار الولد

شايب وطن

وَيَّا بنات من شعبنا

العايش سكات

كوتشينه فى الأحزان تبات

بين طرحها فى اللاوجود

صارت ريموت

لما طيور المظلمه

عاشت جمود

ومحرَّمانا ف حلمنا

نلمح ملاك

جانا الهلاك

طلقات رصاصه تنطلق

روح الوطن

مستخسرانا تحسِّنا

يبقى طبيعى نعيش

فى موتنا فرحنا

ولا ننعى مره بين جروحنا بختِنا

وجدتنى أقتبسها كلها لجمالها

إلى تقدم دائم

دمت بنتا وأختا

رشا بجد أنا سعييييييييييييييييييد جدا بيكى

وسعيد أكتر إنى أشوف قلم نسائى واعى وعميق كده

ودايما بقول إن قلمك هادف وصاحب قضيه

والمره دى

النص رائع وفيه زخم من الصور المتلاحقه والتراكيب الفلسفيه المثيره للدهشة

والباعثه على التفكير والتحليل

أحييكى من صميم القلب

ولنا الله وللإسلام رب يحميه ممن يحاولون تشويهه

على الهامش :

بحر سواد ياريت تكون بحر السواد علشان الوزن

وريموت هى فى الأصل ريمود

ومتهيالى حتكون ماشيه اكنر مع كلمة وجود بالنسبه للقافيه

أنتظر جديدك دوما أيتها المبدعه

مودتى ...

لا تعليق يلقيق بجمال كلماتك ورقى صورك .. دمتى مبدعة [i]

الشاعر المتألق والأخ الفاضل أستاذى عماد عنانى

ألف ألف شكر على كل هذا التقدير

الذى لمحته بين صدق حروفك

فى أدق كلماتك

تحياتى لمرورك الرائع

الله الله الله
أحسنتى وأبدعتى فعلا
يا استاذة رشا
وبقلبى ديماً بقولك

ياعقلى رايح فين
وسرارحت ياباشا
قالى لصاحبة قلم
ساحرعلى الشاشة
رديت عليه قلتله
ياقلبى مش ح تعود
قالى دا نادروجود
بنت فؤاد رشا

من مرسى مطروح

كلام بيرسم صور لتجسيد المعنى
ومن ورائه شاعر بمعنى الكلمة

أنا لم أقرأ لحضرتك من قبل ولذلك سيكون تعليق غير وافى فلو كنت فى البداية فأبشر نفسى وكل الساحة الادبية بقدوم شاعرة مش سهلة
ولو كنت لك زمن فى الكتابة فسيكون لنا كلام لأن القصيدة بها بعض الهنات العروضية وكذلك استعجال فى الكتابة فالفكرة جميلة جدا ولكن التناول كان يحتاج إلى جهد منك
تستطيعى رسم صورة أكثر من رائعة .. تمسكى بخيط الفكرة ولا يبتعد عنك
وأكرر لو فى البداية أو لك فترة قليلة فى الكتابة فما قرأته لك يبشر بكل خير
متزعليش منى
أشكرك

الشاعر الكبير والأخ الفاضل أستاذى محمود جمعة

والله بجد

يعجز اللسان عن الرد

على كل هذا التقدير لكلماتى

فى تحليلكم الراقى الذى أضاف إلى الكثير

لقد تمعنت فى عمق المضمون

وأخرجت أجمل مافيه

برؤية مبدع متذوق لحرف الإبداع

لقد شرفتنى بتحليك الصادق

وكلماتك الرائعة وتقديرك الخالص

أما بالنسبة لحالة الحزن

فأطمئن أستاذى

الحزن بعض الشىء أخرج منى الكثير

ولكنه لن يستمر لأن الحياه بها الكثير والكثير

من جمال حولنا يجب أن نراه

لكى يرانا ويهتم بنا

وأعدك بروح الإبتسامة فى الأعمال القادمة

ولكن عذراً أخى الفاضل لأن أحياناً

ما نمر به من أحداث عامة مثل ما نمر به الأن

يفرض علينا هذه الحالة من الإبداع

تحياتى لتواصلك النبيل

الذى أعتز به من أخ فاضل