لسه جايلك ف الكلام

بعنيّه دول

اللي دايما بيكدبوني

واسدقهم

أنا شفت إمبارح حلم

وبيتهيألي هناك ده مكان

مدخلهوش غيري

أنا

وشوية سنين ..

شايلين علي كتافهم الأيام

وبيقطفوا م النجوم حبات

ويجيبوا رمل من القمر

وده حلم شفته ف المنام

وانا لسه جايلك ف الكلام

أوصفه ..

وزي مايكون أنا والسنين

علي ناصية شارع

قال إيه !

وبيضربوا عصفور علي بطنه

إكمنه إتمادي وقال ف الحلم كلام

مش من حقه

عن بكره المهضوم حقه

وبيوت الموت سكنها عشق

وفلسفة أحزان

ضربوه

إختار م الطريق أسهله

وم الكلام أجمله

قطع لسانه ورماه

وأوعي تقولي إن ده ..

- حصل