عـلـــــــــــى بـــــــــابـــــــــا

ايه يعنى حتة وطن
ايه يعنى بيت عمران
هو اللي مات م الشبع
زي اللي مات فجعان؟
خليتنا نكره وطن بيساع كتير يا ما
شفنا عشانه البدع
بإراده ساندانا
لحد ما هلتك هلت علينا زمان
ملعونه 30 سنه
هدت ورا وقدام
عشمان ارجع تاريخ القصه والفتره
مش هما ماتو هناك في الأربيع قدره؟
واشمعنا على بابا
هو اللي يحكمنا
ويبيع كتير مننا
ويفضي في جيوبنا
ويعبي يملا الخزن لما المغارة تشيب
ملعون يا صمت القدر
ملعونه مرجانه
لما تخلى الحرامي يبقا بطل طيار
ولا تخلى الخسيس يبقا من الأحرار
ولا تحكم جوز امي فيا ويهينني
ولو هفتح عنيا ألاقيه بيوهمنى
انى فقدت الشوف
فبلاش اموت م الجوع
لما اسيب الخوف
يحكم رغيف موجوع
لا القصه يا محترم هتغير المكتوب
ولا يوم جوز امك هيعدل نفسه بالمقلوب
ولا اللي باعنا زمان راح يشتري حالنا
ولا حتى صوتنا اللي مال رافض يبات مغلوب
خلينا 30 كمان في التركه والتقسيم
وبكره يا ما نشوف جايز نكون مع مين
الواد هيورث ابوه واحنا هنتورث
والأربيعين قدره هيعيشو ليه راكعين
والست مرجانه هتغنى للابطال
وف كل عيد للنصر
ناخد أجازه ونتوضى لصلاة العصر
والليل يهل علينا نتخبا ف لحافنا
ونقوم ونربط عنينا
خايفين نموت م القهر
أصل اللي مات في الكتب
زي اللي مات م الفقر

أختى العزيزة دعاء العطار

إيه الحلاوة دى

لالالالا دى حاجة ماحصلتش

طب براحة علينا شوية

بصراحة عجبنى جداً

إستغلالك للحواديت ف على بابا

وإستغلال الرمز وربنا يستر يا دعاء

خلى بالك

سجن القناطر قاسى

وعيشة ناشف

الله يكرمك

خلى بالك م الرموز

أى شيىء أصبح يجوز

بصراحة زى دعاء أنتى حكاية وأجمل حكاية بلاقيها حلوة بين الحروف

كل سنة وانتى طيبة

فين اللحمة

Smile

اللحمه عند الجزار يا رشا بس أوعدك العديه لما نتقابل يوم السبت ان شاء المولى عز وجل

الشاعره الرائعه القادمه بقوه

دعاء العطار

جميل جدا ما قرات هنا

من معانى ومضمون مميز يقطر كل حرف فيه

وطنيه عاليه

رائعه فى عمل الاسقاطات والتراكيب والصور

والاستعانه ببعض الحكايات وتضفيرها ف القصيده

لتغزلى منها هذا الجمال

الملئ بالصدق والابداع

تقبلى مرورى وتقيدرى

مزيد من الابداع والتميز

الجميلة الشاعرة الرائعه

دعاء العطار

أسمحى لى بالتنسيق وتكبير الخط

زتلوينه وتثبيت رائعتك أولا

ثم أعود لهذا الجمال

دمتِ بحب

الشاعرة / دعاء العطار
أيه الجرأة والجمال ده
بجد حاجة رائعة
إلا أننى لن أطيل لأول لك :

ايه يعنى حتة وطن
ايه يعنى بيت عمران
هو اللي مات م الشبع
زي اللي مات فجعان؟

فجعان هنا غير موظفة بشكل جيد
تقصدين " جعان لكن الوزن أسرك "
أما فجعان تعبر أكثر عن الجلاد وليس عن الضحيه

كما كلمة ملعون لا تجوز إلا علي الكافر
ولا أرتاح لاستخدامها انا معاك انها تتلبس المعنى تلبسا كاملا
ولا لا أرتاح لها شرعا
ولكما تشائين
مودتى
عاطف

الرائعة دعاء
شكرا لقصيدتك الجميلة و التى تؤكد موهبتك الرائعة
أحييك أيتها الشاعرة الشاعرة
خالص ودى

دعاء هانم العطــــــــــــــار

لك نحياتى من كل قلبى

دائمــــــــــا مبدعة

دائمــــــــــا رائعة

دائمــــــــــــا ناصعة

المعانى والمفردات

لك كل الود والتقدير

أميرة البدرى كتب:: الشاعره الرائعه القادمه بقوه

دعاء العطار

جميل جدا ما قرات هنا

من معانى ومضمون مميز يقطر كل حرف فيه

وطنيه عاليه

رائعه فى عمل الاسقاطات والتراكيب والصور

والاستعانه ببعض الحكايات وتضفيرها ف القصيده

لتغزلى منها هذا الجمال

الملئ بالصدق والابداع

تقبلى مرورى وتقيدرى

مزيد من الابداع والتميز

الجميله أميره البدري شكرا على مرورك المستمر على قصائدي وكلماتى أدام الله الود بيننا

لا . لا . دى لازم لها قعده

جايلك يا دعاء .

الله الله عليكى شاعرتنا الجميله /دعاء

اسلوبك رائع جدا ومميز وبيعجبنى اوى

سلمتى وسلم نبض قلمك الرشيق

اسجل اعجابى وتقديرى لكلماتك البديعة

غرد يا بلبل وقول ------------------- بصوتك المنبوح

ما عادتش تنفع اصول ---------- وياروح ما بعدك روح

سن السلاح ترم------------------------ والعدل متحرم

واهاتنا تتجرم --------------- لما نقول ونبوح

ابنتى الغاليه قصيده متميزة دمتى مبدعه متالقه تقبلى مرورى

الشاعرة عزة الزرقانى كتب:: الجميلة الشاعرة الرائعه

دعاء العطار

أسمحى لى بالتنسيق وتكبير الخط

زتلوينه وتثبيت رائعتك أولا

ثم أعود لهذا الجمال

دمتِ بحب

مرسي على الإهتمام يا أستاذه عزه وربنا يديم المعروف يارب
مش عارفه اشكرك ازاي على اللي بتعمليه معايا
حضرتك متوصيه بيا قوي في التثبيت
هههههههههههههههههه

بسمة الورد كتب:: الله الله عليكى شاعرتنا الجميله /دعاء

اسلوبك رائع جدا ومميز وبيعجبنى اوى

سلمتى وسلم نبض قلمك الرشيق

اسجل اعجابى وتقديرى لكلماتك البديعة

مرسي ليكي كتير يا ابتسام على مرورك الخفيف
ربنا يديم المعروف

محروس عطرب كتب:: غرد يا بلبل وقول ------------------- بصوتك المنبوح

ما عادتش تنفع اصول ---------- وياروح ما بعدك روح

سن السلاح ترم------------------------ والعدل متحرم

واهاتنا تتجرم --------------- لما نقول ونبوح

ابنتى الغاليه قصيده متميزة دمتى مبدعه متالقه تقبلى مرورى

أول مرور لحضرتك أستاذ محروس أرجو أن يتكرر كما أرجو أن أكون عند حسن ظنك وإعجابك

عاطف عاشور كتب:: الشاعرة / دعاء العطار
أيه الجرأة والجمال ده
بجد حاجة رائعة
إلا أننى لن أطيل لأول لك :

ايه يعنى حتة وطن
ايه يعنى بيت عمران
هو اللي مات م الشبع
زي اللي مات فجعان؟

فجعان هنا غير موظفة بشكل جيد
تقصدين " جعان لكن الوزن أسرك "
أما فجعان تعبر أكثر عن الجلاد وليس عن الضحيه

كما كلمة ملعون لا تجوز إلا علي الكافر
ولا أرتاح لاستخدامها انا معاك انها تتلبس المعنى تلبسا كاملا
ولا لا أرتاح لها شرعا
ولكما تشائين
مودتى
عاطف

ربما لم أوفق في "ملعون" وتكرارها
ووعد منى هحاول بكره اغيرها

لكن انا قصدت ب"فجعان" أي مفجوع يأكل بشراهه

عاطف الجندى كتب:: الرائعة دعاء
شكرا لقصيدتك الجميلة و التى تؤكد موهبتك الرائعة
أحييك أيتها الشاعرة الشاعرة
خالص ودى

كله ببركة ربنا ثم تشجيع حضرتك ليا يا استاذ عاطف

د /صلاح طاهر كتب:: دعاء هانم العطــــــــــــــار

لك نحياتى من كل قلبى

دائمــــــــــا مبدعة

دائمــــــــــا رائعة

دائمــــــــــــا ناصعة

المعانى والمفردات

لك كل الود والتقدير

دكتور صلاح شكرا ليك

ودائما نايمان
دائما كسلان
دائما سرحان

عايزه اعمل الديوان
قبل ما اتجوز واجيب عيال

عادل عوض سند كتب:: لا . لا . دى لازم لها قعده

جايلك يا دعاء .

خلاص يا استاذ عادل ابنتك المشاغبه تحت امرك

الابنه الشاعره

دعاء العطار

رغم ان الحاجه غاليه اليومين دول . لكن ماشى

مش خساره فيكى زياره .

ههههههههههههههههههههههههههه

طبعاّ انتى عارفه الزياره فين ؟؟؟؟؟

انتى مشكله والله . اشعارك الثائره تستفزنى واستشيط

شعراّ وحماسه عند قراءتها . واظنك نجحتى فى القصيده

الوطنيه والتى تمس كل إنسان فى الفتره الحاليه .

اسقاط بمهاره ووعى وكلمات ساخطه على ما هو مقلوب

لا . ولسه ياما حا نشوف .

سلمت يمينك يا دعاء ايتها المشاغبه الصغيره .

تحيتى وخالص تقديرى ..

بس يا ريت يا استاذ عادل تعرفو بس مكانى لانى عرفت ان ورا الشمس ده كبير قوي ومبيحددوش فين ورا الشمس بالظبط

صاحبة القلم المبدع

الشاعرة المتميزة دعاء العطار

جاءت كلماتكِ لتُفجر فينا البراكين الصامتة

وياليت المرموز اليه يتراجع عن الإصرار على ذبح هذا الشعب الموجوع قبل أن تأكل أسنان الوجع الثائر فينا حديد القضبان

رائعة المعنى والمضمون أيتها الشاعر الشاعرة

تقبلى أرق تحياتى

محمد على احمد كتب:: صاحبة القلم المبدع

الشاعرة المتميزة دعاء العطار

جاءت كلماتكِ لتُفجر فينا البراكين الصامتة

وياليت المرموز اليه يتراجع عن الإصرار على ذبح هذا الشعب الموجوع قبل أن تأكل أسنان الوجع الثائر فينا حديد القضبان

رائعة المعنى والمضمون أيتها الشاعر الشاعرة

تقبلى أرق تحياتى

ربما كان هذا أول مرور لسيادتكم على أعمالي لكنه حقا مرورا فلسفيا جدا يحتاج إلى وقفه أكثر من وقفتنا على النص ذاته

ملعون يا صمت القدر

الاخت الشاعرة الجميلة دعاء العطار

القدر هو فعل الله عز وجل في الاشياء جميعا ..وصمت القدر معناه ان الله اختار لفرد ما تأجيل أما عقوبتة وعذابه وأما مجازاته ونعيمه ..اي انه لحكمه الهية لا نعلمها

والحديث ( ان الله ليملي للظالم حتي اذا أخذه لم يفلته ) او كما قال ..وهذا هو صمت القدر ..اي أمهاله ...

وبناءا على ما تقدم ...فأن ملعون صمت القدر ..جملة لاتجوز بحال وحرام تحريم قطعي لا لبس فيه .. كأخ أكبر لك ..وكأخ مسلم عليا واجب النصح ...وعملا بمبدأ الامر بالمعروف والنهي عن المنكر ..أطلب منك أختي الكريمة وشاعرتنا المميزة .. أزالة هي الشطرة ..واستبدالها بأخري ..جعل الله ذلك في ميزان حسناتك

وارجوك في المستقبل التأني في استخدام المصطلحات الشرعية ..

دمت أختا لنا ..وشاعرتنا ..وجزاك الله خيرا

محمود جمعة كتب:: ملعون يا صمت القدر

الاخت الشاعرة الجميلة دعاء العطار

القدر هو فعل الله عز وجل في الاشياء جميعا ..وصمت القدر معناه ان الله اختار لفرد ما تأجيل أما عقوبتة وعذابه وأما مجازاته ونعيمه ..اي انه لحكمه الهية لا نعلمها

والحديث ( ان الله ليملي للظالم حتي اذا أخذه لم يفلته ) او كما قال ..وهذا هو صمت القدر ..اي أمهاله ...

وبناءا على ما تقدم ...فأن ملعون صمت القدر ..جملة لاتجوز بحال وحرام تحريم قطعي لا لبس فيه .. كأخ أكبر لك ..وكأخ مسلم عليا واجب النصح ...وعملا بمبدأ الامر بالمعروف والنهي عن المنكر ..أطلب منك أختي الكريمة وشاعرتنا المميزة .. أزالة هي الشطرة ..واستبدالها بأخري ..جعل الله ذلك في ميزان حسناتك

وارجوك في المستقبل التأني في استخدام المصطلحات الشرعية ..

دمت أختا لنا ..وشاعرتنا ..وجزاك الله خيرا

أستاذ محمود بجد شكرا جزيلا دمت أخا كريما ومرشدا وموجها يا رب العالمين

جازاك الله خيرا بإذن الله

لكن هيا مش القَدَر أنا اقصد القِدَر جمع قدره

اللي مات فيها لصوص علي بابا