مسرح

على المسرح قصاد الناس
وحاسة برعشة ف إيديا
وعايشة خليط من الإحساس
وناسية الخلق حواليا
على المسرح أنا هَيْمان
بَابَروز عشقي والأشجان‎ ‎
وع المسرح أنا السلطان
وانا النادم وانا الندمان
على المسرح بنقدر
نلتحم ونعيش ‏
‏ ونبني كل يوم قصة
وننصر كل ليلة جيش
‏ ونهزم ضعفنا فينا
بننسى حتى أسامينا
ونبقى كتلة متجانسة
على المسرح أنا بابدع
وبَاخْلَق كل يوم إنسان
وتوبي جديد بيحييني
كأنِّي لبسني مارد جان
بينشلني من العتمة
ويحبسني ف فانوس ألوان
وع المسرح أنا الثاير
وانا السلطة وانا السلطان
على المسرح باَعِيش دنيا
لكنِّي قادرة أملكها
وأسورها ودا جديدي ‏
‏ ودا اللي ماتعرفوش ياللي
بتكسر كل يوم إيدي
بإني لمقصدي عنيدة
إرادتي صادرة عن عقلي ‏
وعقلي سَيِّدي وسِيدي
منى سليمان