غلان الانانيه

موضوع: غلان الانانيه الجمعة نوفمبر 12, 2010 3:35 pm

وبقاوم ويا البحرالثائر

اللى بيغلى م الغول اللى بينهش

جوه حطام الجسد المجهد

اللى ما عمره فى يوم هيسلم غير بالموت

ويسافر أخر حلم معاه

مع أخر نبضه لقلبه بتصرخ

تتخلد ورا حتعيش العمر بحاله ومش حتموت
***
وبقاوم ويا البحر الثائر اللى بيغلى م الغول

صاحب العوامه الراكنه

فى حضن الشط الشرقى السكرانه

اللى ما قدره فى يوم تتحرك

ولا قادره تنضف أبدا توبها من الاوزار

وبترقص ويا قزايز الفوتيكا المتعريه

وبترميها تجرح كل عرايس النيل اللى مصليه

الخجلانه من الواح التلج الساقطه

اللى ما تعرف أى وقار
***
وبقاوم ويا المبنى العالى اللى اتصدع

م الغول صاحب الدرج المفتوح

ليل ويا نهار ديما طوالى

اللى ما عمره فى يوم ما رحمشى

اللى ماعمره فى يوم ما شبعشى

اللى ما عمره فى يوم ما سكرشى

الا بدم النلس الفقره

مهما يصرخ جوه فى كاسه

مين م الضعفا فى يوم هيقاوم

او يستجرى يعفر ماسه

واللى يحاول يبقى اتجنن

يصبح عبره فى ايد حراسه
***
حافضل اقاوم كل تروس المكن الداير

اللى بتفرم احلام بكره

لجل نزيف الدم يزين

كل قصور الناس الامرة

وافضل اقاوم ويا ايادى شريفه بتصنع

تبنى وتزرع ارض الصحرا

بينا وبين الضى مسافه

مين راح يشرح ولمين يقرا
***
مين هيجاوب لما هنسال

امتى لوش الدنيا هنطلع

والاغراب بترمم لينا

فى الاهرام من خوفو لخفرع

والصواريخ بتهدد فينا

وبنستورد بمب يفرقع

ومنين يجى اللى يكون قادر

يصنع حاجه تصد وتوجع

نفسى يا ناس حد يفهمنى

انا بتقدم ولا بنرجع

ولا بنرجع ولا بنرجع
***
بين لتنين الباب متوارب

له ع الموجب ولا ع السالب

يعنى ان بيت العيله اتهدم

اجرى بسرعه اخطفلك قالب

ودا فى الغالب مش هيقاوم سم الافعى

لعبه جبانه ولو نحسبها

والله ياصحبى اكيد مش نافعه

يعنى الافعه هتيجى بغل

وتسكن جوه حطامنا الهابط

تحت روكام الزيف والذل

يعنى هتنشر كل سمومها

وتمنع ضى الفجر يهل

ولا هتفرق بينى وبينك

واما تشوف الذل بعينك

مش هيجيرك غصن بضل

كلنا نصبح تحت الغاره

اكبر غول ما هيسوى سيجاره

ولا راح يقدر ابدا يهرب

ولا للجبن هيلقى مغاره

لجل جميع الضد مساوى

ولا فيه غاوى نفوذ واماره

واحد واحد واخد حقه

طبعا لازم يلزم حده

عمره ما يفتح ابدا درجه

ولا بالسحت رفع له عماره
***
يعنى اديه هطول وهتقدر

تيجى فى عضمى وعضمك تكسر

وكمان تلغى اى دليل لينا وتشطب عبله وعنتر

ولا شمسك تخرج م الليل تحبسها ولا قمرك يطلع

وكمان تبنى قصر كبير

وعلمها من فوقه حيظهر

وتغير فى حجات وتشيل

فى جذورنا وتأمورنا ونخضع

وتجيب كل عرايس النيل

لكلابها وكلابها بتسكر

وأمنا تبكى دموعها تسيل

على اغصنها اللى بتتكسر

وبتنداس ولا تلقى مجير

يرفع عنها الظلم ويثأر
***
وياريت نعرف ان النوه

قاصده تدمر بره وجوه

ولا يبقلنا براعم تكبر

الا بهمه تصد بقوه

وازاى ننهض والغول فاكر

ان مفيش فى الكون غير هوه

مح تحيات / محمد طايل عبده بدر
مرسى مطروح [/size][/size][/color][/size]

وياريت نعرف ان النوه

قاصده تدمر بره وجوه

ولا يبقلنا براعم تكبر

الا بهمه تصد بقوه
انت فين يا راجل
ولا طهرت مع النوه
مع قدوم الشتاء
رائع
تقبل تحياتى

[b

]شاعرنا الجميل محمد طايل

قصيده رائعه من روائعك الجميله

وياريت ما تحرمناش من ابداعك الجميل

أسمح لى بالتنسيق

وتثبيت رائعتك

دمت بحب

[/b]

الشاعر الجميل محمد طايل جميل ما ابدعت تقبل مرورى

الف شكر استاذ فتحى عوض وكل عام وانت بخير

أخي و شاعري الإنسان محمد طايل
شكرا على هذا الجمال و هذه الروعة
قصيدة كعادتك تحمل صورا طازجة و موسيقى رقيقة
دمت كبيرا كما أنت
أخوك

تثبت القصيدة
حيث أنها غير مثبتة
خالص الود
Very Happy

الشاعر الكبير الاخ العزيز الاستاذ محمد طايل

هذا نص رائع ماتع .. امتعني ايما أمتاع ..لك طريقة خاصة ورائعة في تعبيراتك وتصويرك وصياغتك

أحييك أخي الكريم على هذا التألق

وأهنئك بنصك الساحر

دمت بكل خير ومودة

خالص التقدير والاحترام

اللى ما قدره فى يوم تتحرك

ولا قادره تنضف أبدا توبها من الاوزار

وبترقص ويا قزايز الفوتيكا المتعريه

وبترميها تجرح كل عرايس النيل اللى مصليه

:::
:::

بين الاتنين الباب متوارب
لهو ع الموجب ولا ع السالب

الله
نص جميل ممتع
يحمل الكثير من التعابير الفريدة
أخي الكريم شكرا ل على هذه الروعة
مودتى

Very Happy

جميل أستاذ محمد
كل عام و انت بخير
رائع رائع

الشاعر المبدع بمعنى الكلمة محمد طايل

لا أعرف ماذا أقول تجاه هذه الرائعة

التى أمتعتنى واوجعنتى فى نفس الوقت

ما هذا الإبداع فى الصور والألفاظ والتركيبة الرائعة فى طريقة السرد

بجد على أد ما انا سعيدة بإبداعك على أد ما أنا حزينة إنى أول مرة

أقرى لحضرتك

لكن أعدك بالتواصل دائماً

اخى الحبيب الشاعر

محمد طايل

سلبيات ومثالب فى مجتمع غير كامل .

اوضحتها فى جملك الثائره .

ولكن ما اعجبنى انك وضحت ايضاّ ان عند

هطول العاصفه سوف تطول الكل وان ينجو احد

ولابد ان نستعد لها . ولكن اكثرنا لا يأبه بما يحدث

وكل همه جمع المال ولو بالحرام ..

قصيده جميله واحييك عليها ..

ما ترد ياسيدى علينا

شاعرنا الجميل محمد طايل

كل سنه وانت رائع وانسان جميل

دمت بحب وخير وسعاده

الأستاذ الشاعر / محمد طايل
قضيدة جميلة سعدت بقراءتها شكراً لك
دمت بخير .

الشاعرة عزة الزرقانى كتب:: [b

]شاعرنا الجميل محمد طايل

قصيده رائعه من روائعك الجميله

وياريت ما تحرمناش من ابداعك الجميل

أسمح لى بالتنسيق

وتثبيت رائعتك

دمت بحب

[/b]

شكرا لكى استاذة عزة على كل حاجه الف شكر