تخاريف رجل بعد الزواج (انا عازب ) زجل محمد سرور

(انا عازب )

انا عازب ملها العزوبيه
راحه بال وعيشه هنيه
ولا فتحه ولا حتى خطوبه
فى الاخر هتخدلك طوبه
واما الطوبه تيجى فى المعطوبه
هتخلف قرطه وزريه

انا عازب عايش فى سعاده
اشربها مظبوط اوساده
ولا وحده هتعكر دمى
واشيل همها وتشيل همى
واشكى لابوها واحكى لامى
والحال دا هيفضل كده عاده

انا عازب والحال ميسور
ولا اخاف سكين ولا سطور
ولا احلف واقسم بحياتها
وانسى حياتى عشان ابسطها
والبى كل طلباتها
والاحلام تخطفها نسور

انا عازب كده خالى البال
ولا دوشه حرمه ولا عيال
ولا هات يا حبيبى المصروف
عايزلها فى العيد دا خروف
ولا تعرف رحمه ولا ظروف
عايزك فى الساقيه شغال

انا عازب مرتاح فى حياتى
ولا اسلم دقنى لحماتى
ولا اخاف لو يوم جاتنا زياره
اكل لحمه القيها بصاره
واعيش فى مدينه زرزاره
واتنكد وامسك فى مراتى

انا عازب عايش كده حر
والايام حلوه وبتمر
ادخل ولا اخرج على كيفى
البس شتوى او البس صيفى
عارف مقدرتى وظروفى
ولا ابات يوم اشعربالمر

الزجال
محمد سرور

لا العازب مرتاح

ولا اللى بيحب مرتاح

ولا المتجوز مرتاح

ولا اللى معاه عيال مرتاح

ولا اللى مش معاه مرتاح

اقولك من الاخر

تسلم الايادى [i]

خليك كدا عايش عزبنجى

بكره تقول أنا حسحوس أفندى

والعقل منك يجرى يطير

ومن غيرها راح تصبح هندى

الشاعر الزجال الرائع

محمد سرور

جميل ما كتبت

بس تصدق مصلحه انك تعيش عزبنجى

لان امها داعيه عليها اللى تاخدك يا سرور

حرام عليك لا متجوز عاجبك ولا عازب عاجبك

ده أنت عايزلك جواز تفصيل

هههههههههههههههه

متزعلش من هزارى معاك

جميله كلماتك كالعاده

تقبل مرورى وتقديرى

دائما تسعدنا بأزجالك التي نتراقص على موسيقاها الجميلة ونستمتع بمعانيها الساخرة
الشاعر محمد سرور
أدمنت سماع الزجل بأدائك المتميز على مسرح اتحاد الكتاب فلا تغب عنا أرجوك

لا فكره جميله .. بس الانسان مهما كان ما بيبقاش مبسوط .. اي كان وضعه .. وهذه حكمه من عند الله .. ولكن في النهايه عمل جميل تسلم ايديك فيه

الزجال الرائع والأخ الفاضل أستاذ محمد سرور

يانهار أبيض

كل دا حرام عليك

دا موضوع كبير جداً

بس بجد إبداع رائع سعدنا به جميعاً

أدام الله عليك هذا الإبداع

شاعر الابتسامة الباكية كتب:: لا العازب مرتاح

ولا اللى بيحب مرتاح

ولا المتجوز مرتاح

ولا اللى معاه عيال مرتاح

ولا اللى مش معاه مرتاح

اقولك من الاخر

تسلم الايادى [i]

الاستاذ الفاضل /شاعر الابتسامة الباكية
شكرا لمرورك الاول
على زجليتى واتمنى
الا يكون الاخير
وفعلا محدش مرتاح
وخاصه المتزوجين

أوعي تكون بجد عزبنجي ؟!
أزعل قوى
لو لسه موقعتش زينا أجرى بسرعة و اعملها
هههههههههههه
جميل يا أبو حميد
زجلية جميلة

زجلية ساخرة رائعه جدا

بس اكيد مافيش مفر مننا هتروح وتيجى تعيش عزبنجى

ولا غيرة هتقع هتقع دا اذا ما كنتش واقع اصلا ههههههههههههه

سلمت الايادى والكلمات الساخرة البديعه
شاعرنا الرائع /محمد سرور

تقبل مرورى واعجبابى بما قدمت

الشاعرة عزة الزرقانى كتب:: خليك كدا عايش عزبنجى

بكره تقول أنا حسحوس أفندى

والعقل منك يجرى يطير

ومن غيرها راح تصبح هندى

استاذه عزه انا فعلا هندى
لما بقيت راجل متجوز
ولا حصلت حسحوس افندى
وتملى مكشر ومبوز
ههههههههه
تحياتى استاذتنا على تفاعلك وردك
بالارتجال الجميل

والله تبقى اكبر غلطان لو إتجوزت

دا انت كده عال العال .

الزجال الجميل

محمد سرور

الله !!! . بس انت متجوز !!!!!!!

طب اسمحلى اروح اقول لها ..

يمكن اشوفك متجبس تانى ..

هههههههههههههههههههههههههههههه

انا عازب عايش كده حر
والايام حلوه وبتمر
ادخل ولا اخرج على كيفى
البس شتوى او البس صيفى
عارف مقدرتى وظروفى
ولا ابات يوم اشعربالمر

الاخ الجميل الزجال / محمد سرور
تحياتى
بجد حاجه جميله وفكاهيه فى نفس الوقت وكل اما اقراها او اسمعها لازم اضحك او ابتسم
تقبل تحياتى

أميرة البدرى كتب:: الشاعر الزجال الرائع

محمد سرور

جميل ما كتبت

بس تصدق مصلحه انك تعيش عزبنجى

لان امها داعيه عليها اللى تاخدك يا سرور

حرام عليك لا متجوز عاجبك ولا عازب عاجبك

ده أنت عايزلك جواز تفصيل

هههههههههههههههه

متزعلش من هزارى معاك

جميله كلماتك كالعاده

تقبل مرورى وتقديرى

شاعرتنا الجميله اميره البدرى
نصرتى المدام على
لانه هى اللى قرت تعليقك
لك يوم يا ظالم
والجيات اكتر
ههههههههههه
تحياتت وشكرا لمروك
وعلى فكره مفيش زعل بينا
لانى بحترماى نقد
باى يا اميره ونلتقى فى المساجله
روحى شوفى سلوى
كاتبه ايه

أميرة البدرى كتب:: الشاعر الزجال الرائع

محمد سرور

جميل ما كتبت

بس تصدق مصلحه انك تعيش عزبنجى

لان امها داعيه عليها اللى تاخدك يا سرور

حرام عليك لا متجوز عاجبك ولا عازب عاجبك

ده أنت عايزلك جواز تفصيل

هههههههههههههههه

متزعلش من هزارى معاك

جميله كلماتك كالعاده

تقبل مرورى وتقديرى

شاعرتنا الجميله اميره البدرى
نصرتى المدام على
لانه هى اللى قرت تعليقك
لك يوم يا ظالم
والجيات اكتر
ههههههههههه
تحياتت وشكرا لمروك
وعلى فكره مفيش زعل بينا
لانى بحترم
اى نقد
باى يا اميره ونلتقى فى المساجله
روحى شوفى سلوى
كاتبه ايه

حسام خليل كتب:: دائما تسعدنا بأزجالك التي نتراقص على موسيقاها الجميلة ونستمتع بمعانيها الساخرة
الشاعر محمد سرور
أدمنت سماع الزجل بأدائك المتميز على مسرح اتحاد الكتاب فلا تغب عنا أرجوك

الشاعرالقدير استاذ حسام خليل
لقد نورت صفحتى بتعليقك الباهى
وربنا يكرمك على حبك وادمانك للزجل
وانا اسممتع بالفصى والعاميه التى تكتبها
واتابعك على القنوات الفضائيه
وتقبل تحياتى

محمد زكريا حبيشي كتب:: لا فكره جميله .. بس الانسان مهما كان ما بيبقاش مبسوط .. اي كان وضعه .. وهذه حكمه من عند الله .. ولكن في النهايه عمل جميل تسلم ايديك فيه

الشاعر الاستاذ محمد زكريا حبيشى
شكرا لمروك الاول على زجلتى
وتقبل تحياتى

رشا فؤاد كتب:: الزجال الرائع والأخ الفاضل أستاذ محمد سرور

يانهار أبيض

كل دا حرام عليك

دا موضوع كبير جداً

بس بجد إبداع رائع سعدنا به جميعاً

أدام الله عليك هذا الإبداع

الشاعره الجميله رشا فؤاد
تحياتى لشخصك الكريم
وشكرا لمروك الدالئم على اعمالى

عاطف الجندى كتب:: أوعي تكون بجد عزبنجي ؟!
أزعل قوى
لو لسه موقعتش زينا أجرى بسرعة و اعملها
هههههههههههه
جميل يا أبو حميد
زجلية جميلة

شاعرنا الكبير استاذ عاطف الجندى
انا معايا يوسف وعلاء ووقعت من زمان
واللى كان كان
ودى تخاريف بعد الجواز
شكرا استاذ عاطف لمررك الدائم
على اعمالى
تحياتى

بسمة الورد كتب:: زجلية ساخرة رائعه جدا

بس اكيد مافيش مفر مننا هتروح وتيجى تعيش عزبنجى

ولا غيرة هتقع هتقع دا اذا ما كنتش واقع اصلا ههههههههههههه

سلمت الايادى والكلمات الساخرة البديعه
شاعرنا الرائع /محمد سرور

تقبل مرورى واعجبابى بما قدمت

والله يا يسمه الورد
وقعت من زمان
ودى تخاريف بعد الجواز
فاضلى 15 سنه واخد تأبيده
تحياتى وشكرا لمروك

عادل عوض سند كتب:: والله تبقى اكبر غلطان لو إتجوزت

دا انت كده عال العال .

الزجال الجميل

محمد سرور

الله !!! . بس انت متجوز !!!!!!!

طب اسمحلى اروح اقول لها ..

يمكن اشوفك متجبس تانى ..

هههههههههههههههههههههههههههههه

الشاعر الكبير استاذ عادل عوض سند
مين مننا مبيحلمش بيقى عازب تانى
بدل ما كل شويه رجليه تتكسر
المره الجايه هتكسر ايدى علشان
مكتبش تانى
ربنا يستر
هههههه
شكرا استاذى لمرورك الدائم
الذى ينور صفحتى
تحياتى

يا ابنى هتودى نفسك فى داهية لم نفسك شويةمش هتلاقى مكان تبات فيه تقبل مرورى رائع يا سرور

محمد عصمت راضى كتب:: انا عازب عايش كده حر
والايام حلوه وبتمر
ادخل ولا اخرج على كيفى
البس شتوى او البس صيفى
عارف مقدرتى وظروفى
ولا ابات يوم اشعربالمر

الاخ الجميل الزجال / محمد سرور
تحياتى
بجد حاجه جميله وفكاهيه فى نفس الوقت وكل اما اقراها او اسمعها لازم اضحك او ابتسم
تقبل تحياتى

الشاعر الجميل استاذ محمد عصمت
الذى امتعنا بكلاماته واشعاره
فى ندوه اتحاد الكتاب
شكرا لمروك على زجليتى
ولوعايز تضحك اكتر
فى زجل اسمه ياللى نويت الجواز
اقراه هتموت على نفسك من الضحك
ان كنت متجوز
وهتدعلى اللى لوعازب
تحياتى

محمد عصمت راضى كتب:: انا عازب عايش كده حر
والايام حلوه وبتمر
ادخل ولا اخرج على كيفى
البس شتوى او البس صيفى
عارف مقدرتى وظروفى
ولا ابات يوم اشعربالمر

الاخ الجميل الزجال / محمد سرور
تحياتى
بجد حاجه جميله وفكاهيه فى نفس الوقت وكل اما اقراها او اسمعها لازم اضحك او ابتسم
تقبل تحياتى

الشاعر الجميل استاذ محمد عصمت
الذى امتعنا بكلاماته واشعاره
فى ندوه اتحاد الكتاب
شكرا لمروك على زجليتى
ولوعايز تضحك اكتر
فى زجل اسمه ياللى نويت الجواز
اقراه هتموت على نفسك من الضحك
ان كنت متجوز
وهتدعلى اللى لوعازب
تحياتى

حمدى شيبة كتب:: يا ابنى هتودى نفسك فى داهية لم نفسك شويةمش هتلاقى مكان تبات فيه تقبل مرورى رائع يا سرور

يعنى عليك ذمه ودين
بيت اخويا حمدى شيبه
موجودد
يبقى ليه هشيل هم
ولا ايه يا صاحبى
شكرا لمروك العطر

» قربني منك
» يا رب للزجال محمد سرور
» الفكاهه بالزجل (للزجال محمد سرور )
» وصيه ام للزجال محمد سرور
» فين الرجاله (للزجال محمد سرور)