ااه ياغزة من وحي واقتباس لقصيدةالشاعر الكبير عبدالناصر حجازي

وعد مني ياثورجية وده فرضي
هنقوم كلنا ونقول إلا أرضي
هنشيل سلاح
ونجهز رماح
ونصرخ ونقول إلا عرضي
إلا وطني
إلا بلدي
**********
ده أنت اللي للحزن والهم شيلتي
مستعد أضحي عشانك بشوية الدم اللي حيلتي
مستعد أزرع تاني وأبني دارك
مستعد أبدر أرضك وتطرح من تاني ثمارك
مستعد أجدد طريقك وأرسم جدارك
مستعد أولع شمعة تنور من تاني نهارك
مستعد أكون لك في السما شراعك
ااااااااه ياغزة
***********
حقك علينا ياغزة
إحنا اللي غلطانين
ده ليكِ في قلوبنا معزة
وده من زمان من سنين
متبكيش ياغزة متبكيش
وكل اللي بيحصل فيكِ
ميهزكيش
******
ااااه ياغزة
ياللي في الهموم غرقانين
يااللي عاملين ودانكم من طين
ياللي عاملين ودانكم من عجين
ياللي عن الحق ساكتين
أصحوا من غفلة السنين
ولا عايزين غزة تكمل جرح فلسطين
****************
مش هسيبهم يهدموكِ
ولو حتى فيها موتي
ولو حتى هيتهدد وجودي
أنا وهما داخلين تحدي
وياأنا ياهما في البلد دي
وهقف لهم وهقول مش هتعدي
**********
داهية تاخدهم كلهم بإكتساح
داهية تاخدهم كلهم ونرتاح
وبحق كل نقطة دم ساح
هنقوم ونقول حى على النصر
حى على الفلاح
وبكرة هتندمل كل الجراح