عمك حبشى

موضوع: عمك حبشى الأربعاء أكتوبر 06, 2010 3:29 pm

عمك حبشى

فى ذكرى انتصار العاشر من رمضان السادس من أكتوبر

احكى يا جدى وودنى معاك
احكى ايامك احكى ألامك
احكى الفرحه وهات أحلامك
احكى يا جدى وقول على مهلك
أيام مجد بلادى ومجدك
عارف يا ابنى
وسط اليأس بيجى النور
عزمك يا ابنى سيف الحق
صوته بيكشف كل الزور
سيبك من كداب الزفه
إنت الريس 00 طول ما فى إيدك يا ابنى الدفه
جدك عاش العمر حروب
فوق لجبال وف وسط بحور
عارف يا ابنى
شوكه اتزرعت غدر فى أرضك
شوكه شيطانى
ومشيت حافى ودست عليها
لازم طبعا توجع رجلك
وعشان تطلع 0000
لازم تنزف نقطة دم
لحسن بالميكروب تتسمم
وزمان قالوا مش ببلاش انك تتعلم
هى دى يا ابنى حكاية حرب
لسه الكون عنها بيتحدت
عارف يا ابنى
حبة مطاريد مالهم مأوى
جُم على سهوه
نزلوا فى غفله
سرقوا الدار والأرض بعافيه
ويّا الحيله
أعلنوا دوله ونصبوا الحفله
فرح الغرب عمل هليله
عارف يا ابنى
مصر بقالها زمان مقصوده
مصر بدايه وليها العوده
لكن ربك هو حاميها
من كل الشياطين أعاديها
عارف يا ابنى شريط قدامى
بيرجع تانى
مارد بالطيران بيفجر كل حدادى البر التانى
اضرب تسلم ايدك عدى
يالله يا خالد 00 يالله يا حمدى
اعبر بينا البر التانى
خلّى سلاحك يا ابنى صيامك 00
تفطر على نصر الرحمان
خلّى سلاحك يا ابنى إيمانك 00
واضرب إضرب فى المليان
شد السلم فوق الساتر
اطلع يا ابنى لفوق للعالى
دك حصون وغرور الغادر
إرفع راية مصر وكبر
للى جعلها آمان وسلام
بدد يا ابنى بنور رشاشك يأس ظلام
قالها رسولنا : خير جنود الأرض جنودنا
ألف صلاه وسلام يا رسولنا
ألف صلاه وسلام
عارف يا ابنى
كان لعداء بيموتوا بخوفهم من بركان السخط فى وشى
عارف يا ابنى عمك حبشى
أجبن واحد كان فى العزبه
كان فى الشمس يخاف من ضله
ولا يمشيش فى الضلمه لوحده
أهو ده صاحبى
جارى وكان فى الوحده معايا 00 وكان فى الجبهه
لسه بيرفع إيده هيضرب بالرشاش
جه ليهودى شلل رعاش
عمك حبشى جاب ليهودى شلل رعاش !!!!
سلم كل كتيبته ومات 00 يالله فى داهيه
شفت بعينى عمك حبشى كما البركان
نار بتولّع كل مكان
مين كان قال على عمك حبشى هزيل وجبان ؟؟!!
عمك حبشى وغيره وغيره من الأبطال
إللى أسر خمسين دبابه
واللى اتوغل جوه الغابه
طالع بإيديه كلاب وديابه
شغل رجال 00 لسه فاكرهم
إللى هناك فى الجنه بينعم بالخيرات
واللى بيحكى الحرب لأهله فى الحكايات !!!!
عارف يا ابنى 00
عدينا سينا مش معقول
عدينا سينا بعون الله
عدينا سينا هزمنا الغول
لأ مش غول
إحنا هزمنا الخوف جوانا
وف رمضان 00 فى اكتوبر 73
ليلة القدر كانت ليلتين
إيه راح اقول
عارف يا ابنى إقرا فنون الحرب كويس
تبدأ يا ابنى بقرار ريس
نفسى أعدى البر التانى
واضرب تانى
نفسى ياريس
نفسى ياريس

موضوع: رد: عمك حبشى الأربعاء أكتوبر 06, 2010 3:47 pm

الشاعر الجامد قوى حبيبي / ناصر صلاح

الله
إحنا هزمنا الخوف جوانا
الله ....
هي دي القضية الكبري
اننا نهزم الخوف جوانا
والدونية والمادية
نهزم سلبياتنا
الجانب المظلم من النفس بلاش أقول الروح
لأنها من أمر الله
أما عدونا فهو مهزوم جاهز
والله مهزوم جاهز " تحسبهم جميعا وقلوبهم شتى "

قوم قال الله فيهم
"ويمكرون ويمكر الله"
فهل نخشي مكرهم ونخسر مكر الله لنا ضدهم بسبب بعدنا عن المنهج؟!!

دمت حبيبي ودام قلمك

مودتى الخالصة

أخوك

موضوع: رد: عمك حبشى الأربعاء أكتوبر 06, 2010 3:56 pm

احييك بشده شاعرنا القدير المتمكن ناصر صلاح

على جمال وروعة نصك البناء

والذى بين طياته دروس مستفاده

دمت بحب وخير وسعاده

ملحوظه

تثبت بواسطتى لروعة الشعر والشاعر

موضوع: رد: عمك حبشى الأربعاء أكتوبر 06, 2010 4:36 pm

الشاعر الرائع الاستاذ ناصر صلاح

وها انا أمام قصيده من أبداعاتك المميزه

وبرعت فى سرد الحكايه بأروع الاحداث

وأجمل الصور والمفردات التى تتخلها

أعظم المواقف هى بمثابه قصيده

تعكس جزء من تاريخنا العظيم

وحكمه تظل أمامنا وهو كسر الخوف

جوه القلوب هى اول خطوه للشجاعه والتحرر

سلمت وسلم أبداعك الراقى

موضوع: رد: عمك حبشى الأربعاء أكتوبر 06, 2010 4:52 pm

القدير ناصر صلاح
ستظل حرب اكتوبر ملهما للشعراء حتى و لو لم يعاصروها
فهى مدعاة للفخر العربي
قصيدة رائعة كعادتك أيها الكبير

موضوع: رد: عمك حبشى الأربعاء أكتوبر 06, 2010 5:52 pm

أخى العزيز وشاعرنا الكبير
الأستاذ ناصر صلاح
وحشتنى يارائع وسعدت بقراءة
قصبدتك التى أعادتنى لعصر
الأمجاد .[right]

موضوع: رد: عمك حبشى الأربعاء أكتوبر 06, 2010 6:28 pm

الأستاذ الشاعر الكبير

ناصر صلاح

تحياتى ياأخى العزيز لإبداعك الخالص

وقصصك الشعرى الدافق

لك كل الحب

حاسس ان فيه بيت ناقص بين البيتين التاليين:

وزمان قالوا مش ببلاش انك
هى دى يا ابنى حكاية حرب

موضوع: رد: عمك حبشى الأربعاء أكتوبر 06, 2010 7:05 pm

الشاعر الكبير أستاذ ناصر صلاح

ما هذه الملحمة التى أسعدتنى للغاية

حقيقى مش لاقية كلام أقوله

حضرتك ماسيتش حاجة

وحلقة الربط فى كلمة عارف يا ابنى أكثر من رائعة أدخلتنا معك فى حدوته لانريد الخروج منها

لأنها ملكتنا بإبداعك الراقى وختامك المذهل وصورك الرائعة التى أعتبرها مشاهد سينمائية

تجسد الكثير من الأحداث

تحياتى لإبداعك المذهل أستاذى الفاضل

وأتمنى المزيد منه لكى أتعلم

موضوع: رد: عمك حبشى الأربعاء أكتوبر 06, 2010 7:17 pm

الجميل الرائع
ناصر صلاح
بجد حاجة جميلة جدا فى غاية الروعة
وعلى فكرة افادتنى كتير من كتر قرايتها
دمت رائعا وجميلا
تيمو

موضوع: رد: عمك حبشى الخميس أكتوبر 07, 2010 8:17 am

أخى الفاضل المبدع عاطف عاشور
اشكر مرورك الكريم وصدقت فى قولك اخى ولعل الله يأتى بالخير القريب
على فكره ارسلت اليك عبر البريد ملف الراحل الوردانى ناصف رحمه الله منذ ايام
تقبل مودتى

موضوع: رد: عمك حبشى الخميس أكتوبر 07, 2010 8:19 am

الأخت المبدعة عزه الزرقانى
خالص تقديرى لمرورك الكريم واطراءك الأكرم وتثبيتك للنص
تقبلى مودتى

موضوع: رد: عمك حبشى الخميس أكتوبر 07, 2010 8:21 am

الأخت المبدعه اميرة البدرى
اشكر لك اعجابك بالنص وتفاعلك معه والغوص فى معانيه لك كل تقدير ومودة

موضوع: رد: عمك حبشى الخميس أكتوبر 07, 2010 8:25 am

اخى الحبيب عاطف الجندى
القصيدة رائعه لأنها بمنتداكم المتألق تزيد جمالا وتجد نفسها بين مبدعين حقيقين
سلمت لأخيك من كل سوء واسعدك الله بكل خيرودمت مبدعا متميزا

موضوع: رد: عمك حبشى الخميس أكتوبر 07, 2010 8:28 am

اخى الكبير خلقا وتواضعا محمد بك بسيونى
والله واحشنى جدا يا بيسو ودائم السؤال عنك ما حرمنى الله منك وخالص تقديرى لمرورك الكريم

موضوع: رد: عمك حبشى الخميس أكتوبر 07, 2010 8:32 am

الأخ الفاضل المبدع د/ صلاح طاهر
اولا خالص تقديرى لمرورك الكريم واطراءك الأكرم
ثانيا عميق شكرى لملاحظتك القيمه والتى جعلتنى اتدارك خطأ الجهاز لأنه بالفعل تبقى كلمه لم تذكر هى ( تتعلم ) يعنى يصبح البيت
وزمان قالوا مش ببلاش انك تتعلم
هكذا يكتمل المعنى
اعتذر عن خطأ الجهاز عند التنسيق واشكر لك تفاعلك وتنبيه اخيك
سلمت من كل سوء

موضوع: رد: عمك حبشى الخميس أكتوبر 07, 2010 8:35 am

الأخت العزيزه رشا فؤاد
اشكر لك مودتك ومرورك وتفاعلك مع النص
وانا الذى اتعلم منكم واستفيد فكلكم اساتذتى
وسامحينى فى تأخرى على ديوانك فهو يحتاج منى يوم اجازه كى اغوص فيه بعمق والاجازة تعز على مثلى

موضوع: رد: عمك حبشى الخميس أكتوبر 07, 2010 8:38 am

الأخ الفاضل تيمو
اشكر مرورك واطراءك وهى محاوله لتذكر نفسى وغيرى بهذا المجذ الذى يحاول البعض سرقته ويحاول البعض الأخر طمسه
تقبل مودتى0

موضوع: رد: عمك حبشى الخميس أكتوبر 07, 2010 6:08 pm

الأخ المحترم / ناصر صلاح
لم يصلني الملف
ashour1033@yahoo.com

موضوع: رد: عمك حبشى الخميس أكتوبر 07, 2010 6:25 pm

الشاعر الكبير الاستاذ ناصر صلاح

عمك حبشي ..عمل فني رائع متكامل وعميق ..انهاأكثر من قصيدة بما بها من عزف على كثير من الاوتار بجانب الوتر الرئيس ..وتر اكتوبر

أحييك على هذة المتعة الحقيقة قي نجمتك المتالقة

دمت أخي الكريم بكل هذا الوهج والتألق
وبكل خير وحب وسعادة

موضوع: رد: عمك حبشى الخميس أكتوبر 07, 2010 9:21 pm

الاستاذ الشاعر

ناصر صلاح

رغم كثرة ما قرأت من أشعار عن حرب اكتوبر

إلا ان موضوع عمك حبشى راقنى بشده واعجبنى

سرد حكايته مع خلفيه مشهوده لتلك الملحمه الكبرى

صدق والدك فى شرحه المستفيض عن اكتوبر وعن ابطاله

انار الله طريقك ووفقك واحييك على جمال النص .

وتقبل كل المودة والتقدير ...

موضوع: رد: عمك حبشى السبت أكتوبر 09, 2010 12:40 pm

عوده لجمال الحرف

دمت مبدعا متفرد

دمت بحب

موضوع: رد: عمك حبشى السبت أكتوبر 09, 2010 1:22 pm

اخى الشاعر المبدع عاطف عاشور
اولا مبارك على اشرافكم لقسم الفصحى متمنيا لك كل توفيق
ثانيا انا ارسلت الملف على البريد المنزلى وليس الإلكترونى يا غالى
تحباتى

موضوع: رد: عمك حبشى السبت أكتوبر 09, 2010 1:24 pm

أخى الشاعر محمود جمعه
خالص شكرى وتقديرى لمرورك الكريم واطراءك وتفاعلك الأكرم

موضوع: رد: عمك حبشى السبت أكتوبر 09, 2010 1:27 pm

اخى الحبيب المبدع عادل سند
سبحان الله لسه جايب سيرتك مع بعض الأصدقاء انت والحاجه زينات والحاج محجوب موسى كأبرز شعراء الإسكندريه
المهم اشكرك على المرور واشادتك الكريمه وأحيانا تكون القصيده من عند الله اى يتقبلها ويرضى عنها فيحبب فيها الناس والحمد لل

موضوع: رد: عمك حبشى السبت أكتوبر 09, 2010 1:30 pm

الأخت العزيزه عزه الزرقانى المبدعه
انت تغمريننى بالسعاده بمرورك الوضاء
لا املك الا خالص الشكر والموده