الدبيحة

الدبيحة
..................
كان يداعبني
كنت أكعبل رجلي برجلهٍِِ
وأحبي عليه
وأما يمد أيديه يدينىِ
قرش..أحس بأنه أبويا
كنت بحسو فى أرضى سمايا
اجرى أسيب شقتنا؛
واخبط على باب اوضته
كان يلاغيني
وأما بيمشى
كنت بعلق عينى عليه
عطانى جنيه
كانت أول مره ايديّا
تمسك مبلغ
وجريت زى فراشه وطايره
على مدرستي
وأما اتشد شويه العود
رحت بسرعة أفك ضفايرى
جانا يوميها وجابلي هديه
يومها لمحت العمر فى عينه
كان يوم عيد بالنسبة لسني
رحت بنفس الفرحة لاوضته
خدني فى حضنه
حسيت جسمي فى إيده بينهج
فجاه كأنه شيطان ولبسني
حسيت فيّا الخوف والرعشة
ورحت لعالم تانى معاه
كان إعصار بيفور
ويسكن موجه فى بحرى
وأما صرخت وقلت له دمى
فضه دولابه فى شنطه سفره!!
...........................................