..إتغندرى يا قوطة

فى يوم ......وليلة
ليلة .........طويلة
جاعت ........عيلة
ماباليد......... حيلة
وصحيوا ......عيال
جفاف .......وهزال
صدق اللى..... قال
الفولة ......والكيال
إتغندرى ..يا قوطة
وحكومتى .مبسوطة
المكتوبة ..مشروطة
بالحزام ...مربوطة
سلامات ....يالحمة
العجول فى ..لخمة
والبهايم .....زحمة
والعز فى ....تخمة
فينك ......يامدينتى
إتقلت ........قيمتى
فرشتى .....ونومتى
والاعدام ....براءتى

متهيالى كلامى عن الطماطم

هو اللى أوحى لك

فكرة اتغندرى ياقوطه

تقدر تدعيلى استاذ حمدى

أو تعترف انى ملهمتك

مش مشكله بالطماطم

ولا اى خضار ولا فكهه اهى كلها اسعار مولعه نار

ههههههههههههههههههه

المهم فيه قصيده دمت بحب

الواحد بعد كده يروح يزور عيان ياخدله معاه 3 كيلو قوطة
بقت أغلي من التفاح

بـ 9 والتفاح بـ 8

الاستاذة الشاعرة القديرة /عزة الزرقانى
اقر واعترف ان هذا هو ماحدث ،وفكرت فى القصيدة عندما ذكرتى
موضوع الطماطم ،وكانت كما وردت هنا (اتغندرى ياقوطة)
اشكرك على المرور والكلمات التى خففت غلاء الاسعار
واختفاء الخريف ،ولك ولاعضاء المنتدى الكرام التحية والتقدير

الشاعر الكبير استاذنا/عاطف عاشور
معاك حق والله يا استاذ ،التفاح بيلم هدومه من الكسوف
فى زمن الجنون واللامعقول تصبح الطماطم حديث الساعة
ربنا يستر على رغيف العيش ليولع أكتر ماهو محروق .
تقدير ى واحترامى لتشريفكم صفحتى

الشاعر الكبير استاذنا/عاطف عاشور
معاك حق والله يا استاذ ،التفاح بيلم هدومه من الكسوف
فى زمن الجنون واللامعقول تصبح الطماطم حديث الساعة
ربنا يستر على رغيف العيش ليولع أكتر ماهو محروق .
تقدير ى واحترامى لتشريفكم صفحتى

الاستاذ الشاعر

حمدى البابلى

اخطر شيء يضر المجتمع هو التلاعب بقوت الشعب

واصبحنا على فوهة بركان . فكل شيء يعلو ثمنه إلا

الإنسان وهو الشي الوحيد الذى يرخص ولايعلو ثمنه

لنا الله . ونشكرك على قصيدتك المتماشيه مع الاحداث ..

تحيتى وتقديرى ...