رباعــــــــيات دينـــــــية

خلاص تعبت من كتر الذنوب
ونفسك ترجع لربنا وتتوب
أرفع أيديك وأدعيله ثبت قلبي
على الإيمان يامقلب القلوب
********
واقف على بابك يارب خجلان
نفسي أحس بالراحة والأمان
يارب أحميني من شر نفسي
ده أنا في كرم حضرتك طمعان
***********
ربنا يامالك الملكوت
يامنجي يونس من بطن الحوت
أرحمنا ونجينا وأغفر لنا
وهون علينا سَكرات الموت
***********
أنت يارب العلي المستعان
أملأ قلبي بحبك وبالإيمان
وأبعد عني حب الدنيا
وارزقني بقلب سليم يامنان
*********
من كتر المعاصي مش عارف أنام
والعيشة كلها بقت حرام في حرام
يارب أقبل توبتي وأمحي ذنوبي
ياجبار يامستجيب للمضطر قوام
********
بحق ما أنطقت عيسى في المهد
بحق الشفا اللي في الشهد
بحق طهارة مريم العذراء
ترزقني كتابي بيميني يوم الوعد
***********
يارازق الدودة في بطن الحجر
ياخالق محمد خير البشر
ارزقني الشهادة عند الموت
وأبعد عني البغيضة والضجر
**********
يارب. يامنفس عن المكروبين
يارب. يامفرج عن المهمومين
أكفني بحلالك عن حرامك
يارازق الفقرا والمحتاجين
********
يارب أجعلني من واصلين الأرحام
يارب أرحمني يوم الحشر والزحام
نجيني من عذاب القبر
يامنجي محمد بالعنكبوت والحمام

الله على جمال الدعاء

اللهم إجعله دعاء مستجاب

الاستاذه الشاعره

مريــــــــــــــــــــــــــم

جعلها الله فى ميزان حسناتك . مجموعة رباعيات

إيمانيه وروحانيه عظيمه . ربنا يتقبل .. آمين .

خالص تحياتى وتقديرى ..

اسمحى لى بتنسيق النص ..

الجميله مريم ما اجملك

وما اجمل رباعياتك

الايمانيه الجميله

ادام عليكى الله الايمان

وجزاكى عنا خير الجزاء

دمت بحب

ملحوظه
تثبت بواسطتى

لروعة المضمون

الجميله مريم

رباعيات ايمانيه رائعه

لمست قلوبنا بجاملها

اللهم ما تقبل منك ومنا

هذا الدعاء

وجزاكى الله عنا خير الجزاء

تقبلى مروى وتقديرى