بيركع شعري لجفونك ... أحمد سعيد موسى

الشاعر الرائع الجميل جدا أحمد موسي ..أية يا أحمد ده ؟؟ اية كل هذا الجمال ؟؟ قصيدة مذهلة ورائعة بكل معاني الروعة ..مليئة بالتعبيرات والصور والاخيلة المدهشة ..فعلا احييك من عميق قلبي على هذا العمل الرائع .. تقبل مروري وشديد اعجابي بقصيدتك .. دمت شاعرا جميلا متألقا رائعا

الله عليك يا أحمد
بجد والله انت رائع رائع
بص يا احمد
انت شاعر بمعنى الكلمة
ربنا يوفقك
زادك الله إبداعا لتزيدنا إمتاعا
تقبل تحيتي ومودتي أيها الرائع الجميل
أحمد سعيد موسى

أنا دخلت مخصوص النهاردة عشان خاطرك ...وندمت جدا إنى ما دخلتش صفحتك من زمان ...أعتذر كمان مرة ....قصيدتك تجنن يا أحمد كلها إحساس صادق وحب فياض لمحبوبة تستاهل هذا الكم من الأشواق والترانيم فى محرابها يزيد القصيدة جمال فوق جمال ...ولا أروع ونفسى لما أنزل مصر أسمعها بصوتك ما تتصورشى بيفرق جدا عندى إلقاء الشعراء لقصائدهم بأحسها جدااا ما عندكشى فكرة ...شكرا على تلك المتعة التى أعطيتنيها ..ودايما فى إبداع على طول

الشاعر/أحمد سعيد

مش هقول لك غير 3 كلمات
انت شاعر حقيقي



أخشي عليك من الاحتراف فلا تكون انت
وتصبح شخص آخر
لا تكتب الا من القلب

شكرا لك أيها الجميل

تقبل مودتى واعجابي

عاطف

واصيد المعني من رسمك

ولو اشعاري تعصاني

كفاية عليا اقول اسمك
...........
الله علي المعاني الجميلة

والصور البديعه ما اجمل

الامل بين سطورك الرائعه

قصيدة ولا اروع دمت بخير

ايها الشاعر الجميل احمد موسي

المبدع / احمد سعيد موسي
تحياتي لك
وبالفعل انا استمتعت بهذه القصيده
وكما هي كل قصائدك وكل ابداعك ممتع ومتميز وجميل
دمت بكل خير

أحمد موسى كتب:

بيركع شعري لجفونك
.....
..
برعشة إيد
بتنهيده
بحضن العين بنتقابل
بلهفة قلب مشتاقلك
ومحتاجلك تكوني الضي
وشمس ف سكّته العتمه
تنور له الطريق الجي
تكوني الجنه لحياتي
وفي التوهه
عنيكي مكاني وملاذي
ولمّا الليل هيلمحني
وعمري يروح زمان محني
تجيني الضحكه من عينك
تكون في السّكه عكازي
دنا قلبي اللي كان غازي
على بابك صبح مأسور
وراضي بقدره وبأسرك
وراضي كمان يكون عبدك
مناه لو دقه من قلبك
تضمه .. د الجناح مكسور
د انا وانتي ف عيون النور
مداين سكة العاشقين
ولو ترميني في التوهه
هكون واحد من المساكين
ولو قلبي عليكي يهون
ربيع ييجي بطعم الموت
يدوس ع الورد في البساتين
حبيبتي طريقى فوق كفك
فمدي إديكي ع الآخر
د أحلامي سفاين شوق
في بحر عنيكي بتسافر
يا ست الحسن ف عيوني
حضنت السحر بجفوني
يا حدوته ف براح كوني
سبيني أكونلك الشاطر
حروف اسمك تلات قمرات
بتهديني يا نور العين
ونجمة سحر فوق منهم
على القمره اللي بين لتنين
ربيع مفروش على كوني
نسايم عشق ف عيوني
امال بالحب ياخدوني
ما ابصش حتى رايح فين
بدوِّب حلمي ف عيونك
واسافر بالحروف كونك
واراود شعري عن حسنك
فيركع شعري لجفونك
وانا عن كوني أوصف لك
لا انا عاجز ولا جاهل
ولو هكتب كلام عادي
هييجي الحرف بالسّاهل
ويامه حلفت م اكتبلك
ولا اقول لك ولا اوصف لك
ولكن من جمال سحرك
بلاقي الشعر يستاهل
بحلّي الشعر من وصفك
واصيد المعنى من رسمك
ولو أشعاري تعصاني
كفايه عليا اقول إسمك
.......
...
.

شعر / أحمد سعيد موسى

الشاعر الرائع اخى العزيز استاذى
احمد سعيد موسى
جمال حقيقى رومانسية فى غاية الجمال
انت عارف الى انا عايز اقولهولك
بجد الله عليك يا حماده
دمت رائعا
اخوك

الشاعر الجميل احمد موسى
ايه ياعم فينك مختفى ليه اليومين دول

رائع يا احمد كما عودتنا بس ياريت
متتقلش عليناتانى السلام بيوصلك ولا لا
دمت رائعا
اخوك محمد رمضان

الشاعر الرائع احمد موسى الله الله الله ايه الابداع ده يا ابو حميد تقبل مرورى

انت حلو قوى وفوق الحلو بشويةواسمحلى ارجع اقراها تانى

ايه يابنى الجمال دا الله يباركلك مافيش كلام اجمل من كدا يا اروع شاعر