حلم ولا علـم

حلم ولا علم
كلمات :- طه على الدين
الحلـو عليــا عـدى ومـد وهـدا حبـه وبعينـــه بصــلـي
وراح وبعــد مـده رجـع من تـاني هـدا وسـألنـي شفتنـــي؟
بصيــت في عينـيه لقيــت في عينــيـه دايـب حنـان وشجـن
مـن نظــرتي ليــه وفـــرحتي بيـــه كــان عقلـي هينجن
****
وسألت روحي ما بمشيش ليه؟ قالتلي روحي ياروحي عليه فردت جناحي وشيلته عليه
وخدنا الشوق طيرنا لفـوق فيها أيه مــــا يدوق وهحـرمه أنـا ليــه؟
****
ورمينا سلام الهمس للنجم والليل والقمر وملانا نسيم الهمس نغم جميل وسمر
رقصنــا زي العشـــــــاق نسـانا آهـــات وفــراق
والقلب اللــي كــان مشتــاق اتهنى في رحـــلة سفـــر
****
وأما لقيتني معـاه إرتحـت قولت يا ريتنا ما ننزل تحت ولا أفتـح عيني يـوم
سألني قاللي خلاص أرتحت غصب عنــي أوام فتحت ولقيتني بحلم من غير نوم

أهلا بيك يا أستاذ طه
---------
يا للي بتحلم من غير نوم
خليك نايم اوعى تقوم
ألف تحية من الفيوم

أحسنت يا أستاذ طه

عمل جميل استاذ طه

اشكرك عليه واتمنى المزيد من الابداع

دمت بكل حب وابداع

السادة اللأفاضل الشعراء والشاعرات شكرا على المرور والرد على (معاكي) و(حلم ولا علم)
وخالص تحياتي للجميع
الشاعر : طه علي الدين