معاكـــــــــــي

[ معـاكـي
كلمات : طه علي الدين
معاكي بشوف كل الحاجات حلوة
وبسمع صـوت همستك غنوة
واعيش كل حالات الضعف
والضعف يتبدل قوة
قبلك كانت دنيتي
صورة
بهتانة اللون ومكسورة
وأحلامي في صدري
محصورة
جيتي إنتي فجرتي السكات
هعيش ليكي وعلشانك
انسيكي كل أحزانك
قنديل ينور شطآنك
يهديك في بحر الظلمات
وتجيني وحي أشعاري
شموسة بتنور داري
ننوسة تشوري وتختاري
ما ملش من قولت هات
تجيني صبرة صبارة
ريحانة صبح عطارة
تنعش شباب عمر اللي فات
واشوف فيكي الحاجات حلوة
وأسمع صوت همستك غنوة
********

حلم ولا علم
كلمات :-
الحلـو عليــا عـدى ومـد وهـدا حبـه وبعينـــه بصــلـي
وراح وبعــد مـده رجـع من تـاني هـدا وسـألنـي شفتنـــي؟
بصيــت في عينـيه لقيــت في عينــيـه دايـب حنـان وشجـن
مـن نظــرتي ليــه وفـــرحتي بيـــه كــان عقلـي هينجن
****
وسألت روحي ما بمشيش ليه؟ قالتلي روحي ياروحي عليه فردت جناحي وشيلته عليه
وخدنا الشوق طيرنا لفـوق فيها أيه مــــا يدوق وهحـرمه أنـا ليــه؟
****
ورمينا سلام الهمس للنجم والليل والقمر وملانا نسيم الهمس نغم جميل وسمر
رقصنــا زي العشـــــــاق نسـانا آهـــات وفــراق
والقلب اللــي كــان مشتــاق اتهنى في رحـــلة سفـــر
****
وأما لقيتني معـاه إرتحـت قولت يا ريتنا ما ننزل تحت ولا أفتـح عيني يـوم
سألني قاللي خلاص أرتحت غصب عنــي أوام فتحت ولقيتني بحلم من غير نوم

الله عليك
الأستاذ طه
لا فض فوك

رائع ما قدمت وخطت يمينك شاعرناطه على الدين

سلمت وسلمت مشاعرك الحساسة