سامحنا (مثلثات صعيدية)

أمانة يا خلي يا مسافر و سايب قلبي عود تاني
دا أنا قلبي صبح مجروح ماهوش حمل الوعود تاني
دبل زهري على عودي منين ألقالي عود تاني

***

جاوبني يا عاشق الترحال سايبني لمين و ساليني
سايبني لحزني و دموعي يا ريت دمعي مساليني
دا دمع العين على الخدين طارح شوك و سلّيني

***

يا ريت للقول تكون واعي دا وازن الكلمة عاقلها
جمال الصبر ليه هاجت و ليه دابت معاقلها
و شربت خمرة التوهه في سكرة تدم عاقلها

***

عوازل قلبي لاموني و زادوا فيّ غرّيبي
و شت العقل من راسي ما خابر شي غير ريبي
و تاهت خطوتي مني مابين تشريق و غرّيبي

***

تعلى يا لي فرّحني و رد سلام لكفّيني
بلاش تستعجل الفرقة دا أنا اللي فيّ مكفّيني
و غيبة عيني عن عينك سبب موتي و تكفيني

***

كفاية الحزن حاوطنا و نسينا الابتسام إحنا
شربنا الآهه في الميّه و كلنا من الأسى محنة
و إذا كنا غلطنا معاك أمانة يا خلي سامحنا

تعلى يا لي فرّحني و رد سلام لكفّيني
بلاش تستعجل الفرقة دا أنا اللي فيّ مكفّيني
و غيبة عيني عن عينك سبب موتي و تكفيني

***

كفاية الحزن حاوطنا و نسينا الابتسام إحنا
شربنا الآهه في الميّه و كلنا من الأسى محنة
و إذا كنا غلطنا معاك أمانة يا خلي سامحنا


الله عليك شاعرنا القدير \ جابر الزهيرى

كلمات ولا أروع فى معانيها
أحساس فريد ومميز تسلم الايادى
تقبل أحترامى الدائم لكل ما تقدم من أبداعات ومعانى شيقة

يخرب عقلك شاعر من يومك ومشرف الصعيد ومشرفنا وعلى فكرة فين القصائد بتاع القسم السياسى ولا خوفت يا صعيدى مش هبلغ عليك
ههههههههههههههههههههه
بس بشرط تكتب انت المسئوال عن قصدائك لو فيها من نوعية
ها ها ها ها

بعادك عني يا صاحبي سنين مُره

وأنا خلك وشفنا كتير حاجات مرا

امانه عليك ماتبعدشي ولا مره

أخي ورفيق الدرب لم أجد سوى

هذه الكلمات المتواضعه لأرد

بها ,, اعمل ايه انت عودتنا

نجري وراك في ألأبداع...

اخوك ابا سرحه .

الشاعرة الأستاذة أمل حمدى :

أشكر مرورك الأول على المثلثات وكلماتك الجميلة التى أسعدتنى جداً

كل الشكر والتقدير للتعليق وصاحبته

الزهيرى

الأستاذة الشاعرة أميرة البدرى :

بجد كتير قوى تعليقك الرائع وكلماتك الراقية على المثلثات وأتمنى أن أكون على نفس القدر

الذى وصفت به

أشكر مرورك العطر ومجاملاتك الرقيقة وسؤالك عنى فى فترة الغياب عن المنتدى

كل الشكر والتقدير

الزهيرى

الشاعرة الأستاذة عزة الزرقانى :

ههههههههههه

بقدرة قادر المثلثات بقت مثلجات

أظاهر نفسك تشربى بيبسى

مش مشكلة يا ستى البيتزا بيبقى معاها بيبسى وكله عند الزهيرى

ههههههههههههه

شكراً للتثبيت يا عزة

الزهيرى

الشاعر الكبير عاطف الجندى :

شكراً لمرورك يا مولانا

ههههههههههه

أعمل أيه لقيت المربعات عملت مشكلة قلت أخش على المثلثات وإن حصل مشاكل لا قدر الله

نشتغل دواير

هههههههههههه

منا فاضى بقى

شكراً يا عاطف على التعليق الجميل

أخوك

الشاعرة الأستاذة بسمة الورد :

ابتسام الحروف فى تعليقك الجميل المعطر برائحة الورد أضاف البهجة إلى المثلثات التى أحتوتت

على الحزن

كل الشكر والتقدير

الزهيرى

الأخ الفاضل والمبدع الكبير عادل سند :

تعليقك على المثلثات أسعدنى جداً وإن كنت أتمنى أن تشاركنى بمثلثات من إبداعكم الراقى لنحولها

إلى مساجلة بعيداً عن الحمير وما أصابنا من رفسها فى مساجلة الواو الأخيرة

ههههههههههههه

ولكن ليس كل ما يتمناه المرء يدركه

خالص تحياتى وتقديرى لأخى الكبير

أخوك جابر

الأخ الحبيب محمد زكى :

شكراً لمرورك على المثلثات

بس أوعى تكسرها

أنا مارضتشى أبعت مساهمات عندك علشانك أنت أصل مرة واحد صعيدى حب يهذر مع مراته

ضربها بالنار وقال لها أنا ميييييييييييييين ؟

والهذار عندك مش ببلاش لو تستحمل هذارى أنا مستعد

كل الشكر لمرورك الطويل

ههههههههههههههههه

الزهيرى

الأخ العزيز والشاعر الكبير يسرى حنفى :

قريت كلماتك الحلوة لقيت راسى حداك سارحة

وانا لو قلت ميت غنوة مش اوصل فى مداك سرحة

دا انا لسه فى بدايتى يادوب وأروحلك فين يا ابو سرحة

تسلم كلماتك الجميلة يا يسرى ودائماً سابق بالخير

أخوك جابر أبو أدهم

الشاعرة الأستاذة عزة الزرقانى :

ههههههههههههه

آجى حداكم فين والبعد عنكوا غنيمة

منكوا ما أكون زعلان ولا عمرى أزعل غانيمة

والصلح فيه مصلحة لو ديب يصالح غنيمة

هههههههههههه

أوعى تزعلى القافية هيه اللى حكمت

تقبلى تحياتى

الزهيرى

الشاعر المتميز الأستاذ عاطف عاشور :

شايلك لوقت العوز عارف أنت قديها

لو حتى فرد وجوز فى اسنانها تديها

وأنت اللى شعرك عال قولك دا يمحيها

ههههههههههههه

شكراً لتواصلك استاذ عاطف أيها الرائع فصحة وعامية

الزهيرى

الأخ العزيز والشاعر المتميز حسام خليل :

ساعات الليل ماتحسبهاش ونام عالطول

وييجى نهار معاه فرحة قلوب وعقول

دا زى ما إنت مشغول بى أنا مشغول

هههههههههههه

طاوعنى فى قولى يا صاحبى و روّح نام

أنا عارف محبتنا ما عايزة كلام

عشان إنت حبيب قلبى يا عم حسام

أخوك جابر الزهيرى

وهبعتلك دليل حبي على الرابط
وسهمك عمره في البرصه ما كان هابط
وقلبي لما سمع سيرتك صبح ظايط

منشية ناصر