بـــنـــــــــات الـــلــــيـــــل

بنات الليل..دموعهم سيل
ولا حد بيمسح دمعتهم
يباتو الليل..فى عذاب وويل
والليل شاهد على حكايتهم
غلطوا الاول غلطه عمر
والاحلام اتكسرت فيهم
واما الواقع اصبح أمر
ومافيش بكره مستنيهم
تركوا الاهل واعز ماليهم
دبلت احلى زهور امانيهم
وسط البحر يتوه مركبهم
قبل مايرسى بيغرق بيهم
شوف كام اخ اتعاير بيهم
شوف كام اخت اتظلمت بيهم
شوف كام بيت انهار بسببهم
شوف كام ام تبات تناديهم
اه لو كانت الناس بتسامح
كانت اى جراح تتداوى
واللى تهده ريح امبارح
بكره بأيد الخير يتساوى
بس الكل بياخد جنب
ومافيش حد ومالهوش ذنب
واما الظالم يصدر حكمه
مابيرحمش ارحمنا يارب
تحت ستار الليل يجمعهم
نفس اليأس اللى بيدفعهم
تسمع منهم مر الشكوه
ويمكن تبكى على اوجاعهم
ادى حياتهم وادى دنيتهم
قدرت تاخد مهما اديتهم
ومابقصدش ادافع عنهم
ومابنكرش انها غلطتهم
الملعون ابليس حرضهم
تاجر فيهم وفى اعراضهم
بصوا شمال ويمين وقصادهم
مالقوش الا طريق الويل
بـــــــــــــنــــــــــــــــــــــــات الـــلــــيــــــل

الموضوع ده تعبت فى ومحتاج رأيكم ياجماعه

الاستاذ / سامح الكومى

جاءنا على الخاص بأن تلك القصيدة لشاعر لآخر

وقد سجلت فى شريط كاسيت وموجوده بالسوق

رجاء الدفاع عن تلك التهمه ونحن فى انتظار الرد .

وللعلم تم حذف جميع الردود على القصيده

لحين إتضاح الامر ..

أخى سامح
ما رأيك فى هذا الرابط ؟
http://forums.mazika2day.com/t100331.html