قصيدة " وطن " للشاعر أشرف عزمى

(( وطـــــــــــن ))
***

* تلات حروف متبعترين
حبة كلام
ما بيعرفوش ريحه الدفا
طعم الضجيج
زحمة صراخ
وديابه تنهش
حلمنا.

* مش بس واحد
احلام كتير
حبة بطون ..
مش قادره
تشبع م الوعود
حبة عقول ..
أحلامها بس
تعيش
حبه شباب ..
تقدر تجمع حلمهم
فى رغيف شقا
متعشمين
فى ربع فرصه تلمهم
م النت كافيه
حبه صبايا ..
ماعدش فى قلوبهم أمل
فى احضانهم أحلام ميته
مادين ايديهم للسما
وبسهد يحرق فى النجوم
طالبين ولد.

* محنة بشــر
دافنين عرقهم
فى الغيطان
والشمس ليهم لينه
شامين شقاهم
فى المداخن
فى عيون عزيمه تلمهم
وقت الخطر
حبة ملايكه ..
الصبح يبدرهم
على كل السكك
تسمع غناهم فى المدارس
وتشوف دموعهم
على الرصيف
وبكل حيله
بيشحتوا منا الحياه.

* عمال بينزف كل يوم
تشخيصه
مدمن للنزيف
والبحث جارى عن فصيله
تعوض الحلم اللى راح
لكن خساره
مليون خساره
دم الوطن
مالهوش فصيله.

* بقى كله
"Temp"
محتاج
"Delete"
او أمر
"Format"
ويتقسم من جديد
ماعدش ينفع فيه
"Repair"
لازم له ..
"Windows Original" .

* تقدر تقول
لعبة كبار
شاطرين قوي
فى لعب القمار
البنت فى ايديهم ولد..!
والآس ولد ..!
والشايب العايب ولد..!
بيقشوا كل الترابيزات
حتى المعونه والمدد
اهرب يا صاحبي
من ايديهم
لم الجراح واهرب بعيد
ما عدش فاضل
غير بقيتك
وطمعوا فيه ؟!
***
أشــــــرف عزمــــي

الرائع الوطنى الجميل

أشرف عزمى

الله عليك نص روعه

فى الصياغه والرموز والمفردات والمعانى

زائد الحواريه الوطنيه والخوف والحب

على الأم الحبيبه مصر

دمت رائعا ساطعا

دمت بكل خير وحب

ملحوظه

تثبت القصيده بواسطتى

لروعة الحرف

الاستاذ الشاعر
اشرف عزمى
جميل ما كتبت وقصيده تناولتها بمهاره
ولى سؤال :
هل يضير النص لو كتبت المعانى الاجنبيه بالعربيه ؟
تقبل مرورى وتحياتى ...

[quote="أشرف عزمى"][center]

* تلات حروف متبعترين
حبة كلام
ما بيعرفوش ريحه الدفا
طعم الضجيج
زحمة صراخ
وديابه تنهش
حلمنا.

******************

حبه شباب ..
تقدر تجمع حلمهم
فى رغيف شقا
متعشمين
فى ربع فرصه تلمهم
م النت كافيه
حبه صبايا ..
ماعدش فى قلوبهم أمل
فى احضانهم أحلام ميته
مادين ايديهم للسما
وبسهد يحرق فى النجوم
طالبين ولد.

* محنة بشــر
دافنين عرقهم
فى الغيطان
والشمس ليهم لينه
شامين شقاهم
فى المداخن
فى عيون عزيمه تلمهم
وقت الخطر
حبة ملايكه ..
الصبح يبدرهم
على كل السكك
تسمع غناهم فى المدارس
وتشوف دموعهم
على الرصيف
وبكل حيله
بيشحتوا منا الحياه.

قمت بعمـــــــــل تصنيف للمعذبين فى الأرض

كأنك عايشتهم وقرأت أحـــــــلامهم ..

برغم كل هذا الألم فى قصيدتك إلا أننى إستمتعت بها

فــنصك رائع قوى .

وداد الهــــــــــــــــوارى

الشاعر/ أشرف عزمى
الاجمل منك مجيدا للغة الأنجليزية هو إجادتك للغة الشعرية
فلا كان هناك داع لهذا البوح الذى ينم عن محب لهذا البلد من مفردات تعطل السرعة التى وصل بها النص للمتلقى
لكنى أحييك على تميزك فى نقل حبك وخوفك لمصر رغم أنك لم تذكر هذا
فأهلا بك شاعرا من الدرجة الأولى
وفى إنتظار جديدك

ما اروعك وانت تجعل الوطنيه تاج على راسك ايها الملك ومالك الشعر

تحياتى لك ايها الشاعر الجليل Embarassed

بنت الصعيد Shocked

ريمى

[b]الرائع أشرف
أسجل مرورى و لى عودة
خالص الود
أخوك
[/b]

جميل اخى اشرف
دمت جميلا

الشاعر أشرف عزمي
عبرت عن مأســــاة جيلك
وصرخت بمعانة شعبك
وطعمت قصيدتك
بتكنولوجيا عصرك
وطرحت القضية بفكر واعي
يستحق الإحترام
هكذا ..
كان من الممكن لشاعرة الشعب
أن ..
تنااااااااااااااااااام
راضية .. مرضية
...
لولا .. أنك
فضلت ( الهرب ) علـــي
الصمود
!!!

فأيقظها الخوف من جديد علي
( مصـــر )
!!!

شاعرة الشعب
زينـــات القليوبـــي

ملحوظة
إحتراماً لروعة الحرف .. قمت بتعديل الخط واللون
وكتابة العنوان .. لوضع القصيدة
في الإطار والشكل الملائم ..
للجمال

الله عليك
و على صورك الجميلة جداااااااااااااا

للصفحة الأولى تنقل لروعة الإبداع

أحييك على هذا النص

وداد الهــــــــــــــــــوارى