كنت عايزاه يغير عليا

كنت عايزاه يغير عليا
وأحس بالضعف ف عينيه
كلمه واحده وقالها ليه
ياله روحى اتهنى بيه

كلمه ورتنى الحقيقه
وف أقل م الدقيقه
شوفت كل الحب هان
و ابتدى غدرك يبان
والدموع غطت عنيه
كنت عايزاه يغير عليا

اللى كان عمرى وروحى
فجاة موت فيا روحى
وروحى كانت عايشه ليه
وروحه كانت عايشه فيا
كنت عايزاه يغير عليا

والنهارده :-
كل شئ كان بينا ضاع
وابتديت رحله ضياع
مركبه من غير شراع
تايهة فى الماضى اللى كان
وهم عايش جوه فيا
كنت عايزاه يغير عليا
وأحس بالضعف فى عنيه
كلمه واحده و قالها ليه
ياله روحى اتهنى بيه

الشاعر /عبدالحميد الفراش

احسنت يا استاذ الفراش فأمتعتنا دام ابداعك وتألقك

[center]جميله جدا استاذ عبد الحميد

تسلم عليها ]

عادل عوض سند كتب:

الاستاذ الشاعر
عبد الحميد الفراش
لى شرف المرور الاول على هذه الاغنيه الرائعه
ربنا يوفقك وتجد من يعلو بغنائها .فهى كلمات جميله
مسايره للوقت الحالى وكلمات راقيه غير مبتذله .
كل التوفيق يا عُبد وتقبل تقديرى وودى ...

شكرا على هذا المرور الجميل
دمت اخا كبيرا و شاعرا مبدعا

هناء سعيد كتب:

احسنت يا استاذ الفراش فأمتعتنا دام ابداعك وتألقك

الشاعرة الجميله /هناء
شكرا على هذا التعليق الجميل

عاشقه الاسكندريه كتب:

[center]جميله جدا استاذ عبد الحميد

تسلم عليها ]

شكرا عاشقه الاسكندريه
على التعليق الجميل و على فكرة انا كمان بحب الاسكندريه