(يا بخيل يامعفن ياجربان)

بسم الله الرحمن الرحيم
يابخيل يامعفن ياجربان

عارف أنا نفسي أتف عليك**يامعفن مش شامم ريحة رجليك
ريحتك قلبت الشقة**و بوست رجلك علشان أحميك
جربان ومعفن ورضينا بيك**لكن كمان بخيل
طب من البخل ده إزاي أداويك
**********************************
وأنا حامل أتوحمت علي لحمة**قلي لحمة إية دي تعمل تخمة
إية الواد التفس ده**قولت له الواد هيحصله وحمة
يامعفن يا جربان**قلي هسويلك كباب علي فحمة
المعفن جايبلي عضمة متعاصة**و يقولي الجمعية كانت زحمة
يوم الولادةأقوله وديني المستشفي**يقولي مستشفي إية يا رخمة
هولدك أنا ولادة فخمة**المولود قال و الله مانا نازل
ربنا ياخده ويكتبلك الرحمة**
***********************************
دخلت علشان أستحمي في الحمام**يقولي إنتي داخلة فين يا مدام
قولتله داخلة أتشمس**قام ضاحك وقلي تدفعي كام
قولتله صحيح جحش و طور**واقف مبلم لية ما تغور
إتكيت علي زرار اللمبة**لطم و قال النور النور
قولتله مالك جاتك بلوة قوية**قال إطفي النور هيغمي عليا
أوعي تكوني هتفتحي المية**قولتله طبعا يا إبن المستخبية
قال هو لازم أم الحمي**طب ماهو كدة عسل ومية مية
دا أنا لو كلت إية بالذي**بنام بزفارتي و مبغسلش إيديا
**************************************
قولتله طلقني يا معفن يا بخيل**قلي أطلقك مدرقش مستحيل
قولتله إية متقدرش تستغني عني**قلي كلامك ده سببلي حزن تقيل
حزن خلاني أسأل**علي مين أجرة المؤذون ياجميل
قولتله أنا اللي هدفعها**وبريتك من كل حاجة يا أصيل
قالي أنا بتلكك هتغير**قولتله عمرك ما هتتغير يأبوديل
قلي بس جربيني**دا إنتي ديدمونة و أنا عطيل
قولتله طب أنا هولع النور**وكمان هغسل الهدوم ببرسيل
و هفتح المية براحتي**وتجيبلي لبس مالوش مثيل
و اللحمة تملي الثلاجة**موافق ولا تطلقني يا إبن النيل
قالي إية دا كله يا جاموسة**أنتي باين عليكي من المساطيل
روحي و إنتي طالق بالتلاتة**يا هبلة يا بنت المهابيل

اللهم لك الحمد والشكر والفضل لأنك وفقتني
سلامه رجب سلامه
write by salama
for you

ههههههههههههههههههه
وفقك لإيه ياعم سلامة؟؟
ايه الفكرة اللى انت عايز توصلها بالظبط ؟؟
فكرنتى بحاجة سمعتها فى مسرحية لعادل امام
كرهتك ياخبيبى من ريحة رجليك
استعمل ياحبيبى البودرة والفنيك
تروح الريحة حبه
ويمكن تستخبى
وساعتها ياحبيبى يمكن ارجع اليك
لك تحياتى

هههههههههههههههههههه

وفققك الله لكل خير يا أخى الكريم

مودتى

بدون تعليق

[b]

كل ده شعر ؟؟؟؟؟؟؟؟؟؟؟

مؤكد ان هذه نظريه جديده في ( الأدب )

ههههههههههههههههههههههههههه

ما بتش لنا كلام نقوله .

لو بعض الاهتمام بالموضوع يكون اجمل طبعا .

مودتى وتحيتى ..

شكرا لكم جميعا

اكيد البخل ابشع صفة فى الوجود
ولكن من الكرم ان نعطى القصيدة حقها وان نحترم عقلية القارئ
ربما يجدر بالادارة ان تنقل الموضوع الى قسم
بسمة المنتدى

الاختلاف فى الرأى لا يفسد للود قضية
تحياتى اليك اخى سلامة رجب

شكراً لك يا أستاذة\حنان وشكراً لكم جميعاً

وعلي فكرة انا قلت’ الحمد لله والشكر لله والفضل لله لأنه وفقني لأن أي كلمات مهما كانت بسيطة بفضل الله عزوجل والتوفيق من عند الله تبارك وتعالي ولكن أليس لهم أهمية أليس لهذا الموضوع أي تشابه ولو نسبياً بالحقيقة

نعم اخى سلامة
موضوعك فيه من الحقيقة
وانا اسمع عن ناس فى منتهى البخل
وبيتصرفوا تصرفات بشعة مع زوجاتهم واولادهم

لكن موضع الخلاف ان هذا لا يمت للشعر بصلة
وجميعنا يخطئ فى بعض الفنيات ويقع فى بعض الهنات البسيطة فتكون مقبولة
اما هذا الموضوع فقد ظلمته بوضعه فى قسم الشعر
ولو نقلته لقسم بسمة المنتدى مثلا يصبح ذا معنى ولا يتعرض لكل هذا النقد

إنني سأحترم كل وجهات النظر وكل الرغبات وشكراَ لحضرتك ياأ\حنان علي هذا الإقتراح وأنا أقبل كل النقد شرط أن يكون نقد بناء ولكن وضعته في الشعر العامي لأنني كتبته بالطريقة العامية وهذا هو شعب مصر ينتقد بشكل كوميدي انني أنقد الرجل البخيل وموقف زوجته منه ولكن ما كنت أستطيع أن أصل فكرتي إليكم سوي بالعامية وشكراً لكل من شاهد ومن لم يشاهد

» واحد بخيل