سيف الحرف

على سيف الحرف وجرح الكون
..الدمع يكون ساير مجنون
..ناسى الاحزان على شط الخوف
..وكلاب بسلاسل تعوى تقول
..نضفنا وزيلنا عقول وزيول
..رافض انا يأسى أكيد مخبول
..اكمنى نطقت وقلت فنون
...شعر ومغنى على حب الغاليه
..أوتار تعزف على وهم سطور
..يا حبيبة يا عمرى القلب يقول
..مليان بشجون..
وعالمنا اسير تمثال مكسور
..ضندام على ضعفى .
.ملاك ورسول على ناس تانية
..واسطة وكوسة ايا شئ ملعون
..فوازير الضحكة اللى يجيبها
...يكسب بسمه ويفوق مزعور
..على سيف الحرف وجرح الكون[b][i]

نص جميل استاذ مجدى
تحياتى لك

استاذى الكبير استاذ عادل عوض سند شرفت بتعليق حضرتك وكلمة ضندام هى اسم من اسماء مردة الجن وهنا تأتى بمعنى القوة والقسوة وفيها تناقض بين قسوة التعامل حتى بعد ما حققته الثورة من تغيير ف المعاملة ولكن ما زلنا نعانى من امور الواسطة والمحسوبية لمن لهم نفوذ فهم علينا كمردة الجن من قسوة وسوء معاملة ولهذا كتبت نصى للتنديد بما يحدث بنا ودمت بخير وسلامة استاذى الكبير[b]

الاستاذ الشاعر الجميل مجدى العلى
شرفت بمروى على قصيدتكم الرائعه سيف الحرف
التى تدل على أنك شاعر كبير متمكن من أدواتك
شرفنا بك فى منتدانا منتدى الأسره الكبيره
منتدى عاطف الجندى فأهلا ومرحبا بك
صلاح الكومى