{ جوه القطر } زجل قديم

إتقابلنا شفت قلبى
كان حا يطلع من جنابى
بين ضلوعى ومستخبى
بس راح يفضح جنابى
شفتها اتلخبط كيانى
والعرق غرّق مكانى
كل حاجه مخوّفانى
لما جت قعدتها جنبى

واحده فعلاّ مش عاديه
أحلا منها ما شفت أحلا
هيّه اصلاّ كات حوريه
نازله عالكوكب فى رحله
لخبطت سيرى ومدارى
طلّعتنى من وقارى
ولّعت فى القلب نارى
والشراره كات عنيّه

الشعور .. آه م الشعور
الحرير بيغير نعومه
جنب منها راح يغور
راح يشوفله أى نومه
جنب منك إيه حا يسوى ؟
داانتى بالنسباله عزوه
وانتى بالنسباله كسوه
لو يجيله يوم غرور

والجفون .. آه م الجفون
قلع بيضلل علينا
والعيون .. آه م العيون
بحر بيغرّق سفينه
كل عايم فيه يلاقى
من قلوب اشلاء . بواقى
واللى فاضل واللى باقى
من بشر صابها الجنون

والخدود .. آه م الخدود
ناعمه بتزغلل عنينا
جنّه من زهر وورود
بس مش طايلاه إيدينا
قلت آخد واحده فكّه
الف قرصه والف شكّه
عندى أهون فتح عكّه
ولاّ اصارع يوم أسود

والشفايف أحلى حتّه
ينكتب فيهم قصيده
مش قصيده . خمسه ستّه
لو تحن ومش عنيده
لو تسيبهم حبّه ليّه
ياخرابى عاللى بيّه
كل شفه صيدليه
ينصرف بيهم روشته

والنبى تجاوبى ياشابّه
الحلاوه اللى انتى فيها
هيّه جت لك حبّه . حبّه
ولاّ يعنى نزلتى بيها ؟
الجواب ما اخدتش ياما
بس قايلاه وبقيامه
يوم ما حملت فيّه ماما
بابا كان واكل مربّه ..

دعني أحجز دوري وبعدين

أعلق

ابنك

عمرو

مستنيك يا حبيبى
انت عارف رأيك يهمنى
تقديرى لحين عودتك ...

ياه . دا انا تحت أمرك
طب امتى حا تبداّ علشان اعمل حسابى
خلى بالك انا ما بحبش التخان
يعنى حب واحده رفيّعه . ماشى
مستنى تليفونك ..
هههههههههههههههه

دى حكايه من زمان
لما كان موجود سنان
انما دلوقتى يااختى
بلتمس منهم أمان

البعاد احسن بياما
والمربه مش سلامه
والحلاوه تجيب ف داغى
منها راح تيجى الندامه
إهىء .. إهيء ..إهيء

ياه .. وانا تحت امرك بس بسرعه وحياة ابوك
بس حب واحده رفيّعه مش تخينه
وانا حا ابعت لك نمرة تليفونى .
ما تتأخرش عليّه .
ههههههههههههههههه
على فكره الموقع فيه مشكله
انا ارسلت لك رد ولم يظهر للآن
ولم اراه . رغم انى ارسلته والإرسال تم بنجاح
فين الاستاذ / عاطف يحل تلك المشكله ..

يا جماعه انا بعتذر
كتبت اكثر من رد ولم يظهر الى الآن
وآخر مشاركه للأخت وداد ولم استطع ان اراها
لارد عليها .
فيه مشكله جامده فى الموقع ..
معلش اعذرونى الى ان تظهر المشاركات ..

والنبى يا هناء ما تتفقيش مع وداد عليّه
انا مش قدّكم .
وبعدين ما تفرحيش قوى
كلها ايام ونتقابل . وحا يطلع عليكى
هههههههههههه

ليه كده يا ودّه ؟؟
حتى الكلام مستكتراه عليّه !!
خلاص .. ما حيلتناش غيره
وانتى عايزه تقلبيها مساجله
ياللا . ضربوا الأعور على عينه
قال : خسرانه خسرانه ...

ايه يانونّه دى شماته ولاّ إيه ؟؟
عموماّ اجمل حاجه فى الدنيا هى المربه
طريه على السنان وخصوصاّ مربة الفراوله
يا عينى عليها { مع فص رنجه }
يا سلااااااااااااااااااااااام
اكله عايزه بقك ..
ههههههههههههههههه
ها ها ها ها ها ها ها

هو انا يعنى لقيت غيره وقلت لأ !!
بس كانت سفريه سوده .
بحسبها لوحدها . طلع معاها جوزها
كان بيشترى حاجه وجه ..
والباقى انتى عارفاه بقى ..مش لازم اوضح

ايه يااحمد ؟ انت حا تفشر ولاّ إيه ؟؟
لا ياراجل دا انت لو شفتها حا ترمى نفسك من القطر
الظاهر ايام ابويا ما كانوش اخترعوا المربه لسّه
ياللا كل واحد بياخد نصيبه
بس ايه يا واد يا احمد . حكايه ما تقولش { امينه رزق }
هههههههههههههههههههه
والله انت مشكله وحا توقعنى فى غلط

الابن العزيز
محمد رمضان
مرورك اسعدنى وكلماتك اضافت لى البهجه
ويارب فعلاّ تكون قصيدتى اعجبتك
طبعاّ رأيكم يهمنى ومروركم وآرائكم تشرفنى
كل الود والتقدير الابن / محمد
ما تحرمنيش من وجودك الرائع

الدموع ما لهمش داعى
ليه نعيّط عاللى فات
كل شيء اصبح صناعى
كلى اصبح تركيبات

منها لله الحلاوه
بوّظت معظم سنانى
لأ .. ومنها نشوف قساوه
شفتوا مين سبّب جنانى ؟؟