مساجلة عن شهر رمضان الكريم

كل سنة وانتوا طيبين
ومن ربنا تكونوا قريبين
كانت وحشانا اللمة وصلاة التروايح
بنعيشها فى شهر واحد هو شهر رمضان
انا مستنى يجى مستنى من زمان
علشان بيجمعنا الغنى قبل الفقير
فى جامع واحد بنصلى ونئول رمضان كريم
فيه خير ربنا بيزيد وبعده كمان العيد
وفيه الله اكبر بتقرب البعيد
الله عليك الله ياشهر رمضان
فيه خير بزيادة فيه خير من المنان
ونشوف اللمة حلوة فى موائد الرحمن
وحشتنا وبتوحشنا يا شهر رمضان

طاهر الصوفاني كتب:

اهلا ياعم رمضان

جبنا الكنافة والقطا يف والحشا

والكل أخر نعنشه

سلمنا علي كل الصحابة من بعد الجفا

سجاجيد بيوتنا والملايا وللحفه

فرحانة بيك ومزهزهه

فرحانة حتى الأرصفه

كتير أغاني من زمان نسمع لها

والكل بيردد معاها

ويغنى ويقول لحنها

مرحب شهر الصوم

أهلا رمضان

وحوي يا وحوي

اهلا بك يا شهر الوفا

يا شهر المحبة والدفا

تسلم لنا ابو الصفا

يابوا قلب مليان بالوفا

يجعل ايامك كلها خير

وكل رمضان وانت ف عفا

ياابو كلمه صادقه كويسه

كل سنه وانت طيب استاذ طاهر

دمت بحب

احمد صبرى كتب:

كل سنة وانتوا طيبين
ومن ربنا تكونوا قريبين
كانت وحشانا اللمة وصلاة التروايح
بنعيشها فى شهر واحد هو شهر رمضان
انا مستنى يجى مستنى من زمان
علشان بيجمعنا الغنى قبل الفقير
فى جامع واحد بنصلى ونئول رمضان كريم
فيه خير ربنا بيزيد وبعده كمان العيد
وفيه الله اكبر بتقرب البعيد
الله عليك الله ياشهر رمضان
فيه خير بزيادة فيه خير من المنان
ونشوف اللمة حلوة فى موائد الرحمن
وحشتنا وبتوحشنا يا شهر رمضان

ح تمر سنه ويجى لنا تانى

احلى الكلام واحلى المعانى

وكل الحبايب واللما

داشهر خير ويا الامانى

ياسعادة البيه

ليه متسربع

وبتجرى ليه

واحنا بنركع

خليك معانا منورنا

كلمة وداع بتزعلنا

طب حتى

على مهلك حبه

ليه بدرى شمسك

تتخبى

ودارى عيونك

يا حبيبنا

وحياتك بدرى

أوعى تسيبنا

على سهوه كدا جريت قوام

من غير سلام من غير كلام

كان لسه عليك كان بدرى

ياابو احلى ايام كرام

والله بعوده يارمضان

ونشوفك على خير وسلام

صدّقنا ماجيتنا

زعلان وفايتنا

دا انت الأمان والخير

مالى عتب بيتنا

ما اضمنش من تانى

ترجع وتلقانى

استنى لما أشبع

من فيضك الحانى

عادل عوض سند كتب:

ما اضمنش من تانى

ترجع وتلقانى

استنى لما أشبع

من فيضك الحانى

الله عليك الله

وكلامك ما أحلاه

تسلم يا استاذى

تحميك رعاية الله

[b]

يا أغلى شهر ف السنه

ياحب غالى عندنا

ح تروح وح تفوتنا بصحيح

لكن أكيد ترجع لنا[

/b]

[b]

امانه يارمضان

لتهدى خطواتك

خلينى اشبع بحبك

طاوعنى وحياتك[

/b]

وهذه كانت قصيدة قديمة جدااااااا في بداياتي مجاراة للأستاذ مسعد النحلة

رمضان يا شهر الخير
والسعد والفرحه
لملمت شمل العيله
والأصحاب
نوّر فانوسك
فـ القلوب شمعه
و(وحوي)) تيجي
تنتشي الألباب
والطبله وقت الفجر
آهي سارحه
ع الطبله دقّه
ودقتين ع الباب
ومسحراتي يقول
حكم طالعه
مليانه وعْظ ونصح
كلّه عتاب
كنا زمان
نسمع لأشعاره
أما النهارده
قفلنا ليه الباب
عمّال بينفخ
قربه مخرومه
ينفخ وينفخ
والنفس مِنساب
م الدشّ خللنا
الحياه هيصه
بقت السفاله بجد
(أوفر لاب)
قنوات كتير
للرقص والميغه
والعقل يشرد
مَ الهوى غلاب
ومسلسلات
فيها الخمور أنواع
وان قلنا ليه ..
منلاقي ليها جواب
وأغاني خايبه
وواحده عريانه
وعروض كتيره
تلهب الأعصاب
وتمثليّه
الأب فيها عويل
وعياله يا دنيا
كما الأغراب
وكإننا عايشين
عشان نلهى
م "شكيره" قالعه
بس لابسه الكاب
و"هيفا" ترقص
و"مايا" تتمايص
لما الحياه
راح تنتهي بخراب
الطبله دايره
والقلوب حايره
والعقل شارد
ناوي ع الإضراب
وشباب يصيع
ع القهوه طول الليل
وكإنّهم
حبّة رعاع وكلاب
ليه تنسى ليه الدين
ليه بس عقلك غاب
ربّك غفور ورحيم
فتّح جميع لبواب
وغفر لكل الناس
للي لجأ له وتاب
والعاصي ذنبه اتمحى
لما رجع وأناب
يلا نعود لله
من وحنا لسه شباب
قبل اما نلقى الذنب
مكتوب فـ ألف كتاب
وساعتها ما في ندم
تبقى النهايه هباب
النار شديد حرّها
ولا احنا حمل عذاب
رمضان د فرصه يناس
نقرا فـ أعزّ كتاب
تصفى القلوب لله
لا ننمّ ولا نغتاب
ندّي الفقير حسَنِته
مش شرط ندّي كباب
د لو جنيه ندفعه
يفتح لنا ميت باب
ربك عظيم ورحيم
واجد كريم وهاب
لمّا نموت هنكون
حبة جِيَف وتراب
وهيبقى لينا العمل
ويا إمّا صاب أو خاب
يلا نتوب يا بشر
وناخدو بالأسباب

رمضان أهو جانا آنسنــا
والصين صنعت فوانيسنا
وصلت الاولاد ف قويسنا
وغاظونا يا حول الله

أهو جه ومعــاه فوازيرو
ليه خُلق الناس بقي زيرو
وخناقنـا يزيــــــد أمبيرو
على أتفه شيء نلقاه

فيه خلق بتهوى الراحة
وكأن الشغــل أباحـــة
ويمــــــد اديــه بتناحة
ويقولك شئ لله

أحمد موسى كتب:

والله كلامك صح صحيح

ولازم نبدء نسبق ريح

مش نستنى كدا على حالنا

ونعدى الايام تفاريح

[/b]

رمضان يا شهر التقى
يا شهر كلّه سرور
كم ساعه فاضله هنا
جاوب فؤاد مكسور
ليلتين يدوب نفترق
علشان قدر مقدور
خليك معانا هنا
لو حتى ستّ شهور
ببكي على فرقتك
إمتى الليالي تدور
وتعود لنا ضمّتك
يا شهر نور على نور
**=**
رمضان يا شهر الصوم
الرحمه فيك والخير
طهّرت مال الغَني
وكفلت فينا فقير
ورميت شيطان اتلعن
جوّه القفص شِرّير
غمّا عيون قلبنا
بغوايه وبتأثير
صفدّته في الأغلال
ملعونْ رجيم وحقير
واديتنا درس الهدى
في الحق والتنوير
وعرفنا بيك رشدنا
في الآيه والتفسير
صحّيت إيمان قلبنا
ع الدين بقينا نغير
والقلب شاف سكّته
في الذّكر والتكبير
فامسح يا شهر الهنا
لو كان هناك تقصير
أنا قلبي بادي الندم
أملي فِ ربّ كبير
يسقيني م الريّان
والقاك هناك على خير

قديمة جدا وكانت ردا ارتجاليا على أستاذي مسعد النحله

عاطف عاشور كتب:: رمضان أهو جانا آنسنا
والصين صنعت فوانيسنا
وصلت الاولاد ف قويسنا
وغاظونا يا حول الله

أهو جه ومعاه فوازيرو
ليه خُق الناس بقي زيرو
وخناقنا يزيد أمبيرو
على أتفه شيء نلقاه

فيه خلق بتهوى الراحة
وكأن الشغل أباحة
ويمد اديه بتناحة
ويقولك شئ لله

ح تقول لى عليهم دول

شحاته وسكنو قصور

والشغل كتير قدمهم

طب يبنوا الارض البور

عادل عوض سند كتب:

ما اضمنش من تانى

ترجع وتلقانى

استنى لما أشبع

من فيضك الحانى

بعد الشر عليك

تسلم ربى يخليك

ويعود لنا رمضان

تلاقينا ونلاقيك

دمت جميلا

الله يعودها عليك

باليمن والبركات

ويديم كمان فرحتك

بالعز والأعياد

واجى اكل فرختك

فى يوم فرح لولاد

بالمناسبة ....

أيه معنى
وحوى يا وحوى
ايوووووحة

أنا عارف مين اللى هيتسحب من لسانه ويرد
مفيش غيره ....
وطبعا حيحاول مايردش عشان يخلف ظنى
وبرررردو مش هيصبر

ولو راهنته حكسب الرهان

وهوه عارف نفسه

قام السيد لينادى على غلامة وقال له

باولد أصعكت العتاريف....؟

قال الغلام :

ماذا تقول ياسيدى

كرر غاضبا:

باولد أصعكت العتاريف....؟

فال الغلام:

شلغم

فال السيد :

ما ذا تعنى بشلغم .......!!! وأنا اسألك أصاحت الديكة

وا،ا قلت شلغم ........ اعنى نعم ياسيدى

وليتك أوضحت

تحياتى ياعم وحوى ياوحوى

د /صلاح طاهر كتب:: الله يعودها عليك

باليمن والبركات

ويديم كمان فرحتك

بالعز والأعياد

واجى اكل فرختك

فى يوم فرح لولاد

بشكر انا شعورك

الطيب الشادى

والحرف من نورك

يسعد انا فؤادى

والفرخه ما تخافشى

مكتوبه وبإسمك

كاتبها فى وصيه

سايبها لولادى

الشاعرة عزة الزرقانى كتب:

عادل عوض سند كتب:

ما اضمنش من تانى

ترجع وتلقانى

استنى لما أشبع

من فيضك الحانى

بعد الشر عليك

تسلم ربى يخليك

ويعود لنا رمضان

تلاقينا ونلاقيك

دمت جميلا

مشكوره يا عزه

بادعى يخليكى

بكلامك اللذه

الشوق يزيد ليكى

د /صلاح طاهر كتب:

دكتور صلاح موجود هنا

يادى الهنا يادى الهنا

واتارى الدنيا منوره

والفرح جانا لحدنا

[/b][/center]

بحق جاه النبى

يارب جمعنا

قرب ما بينا الفرح

نسينا أوجاعنا

ا

د /صلاح طاهر كتب:: قام السيد لينادى على غلامة وقال له

باولد أصعكت العتاريف....؟

قال الغلام :

ماذا تقول ياسيدى

كرر غاضبا:

باولد أصعكت العتاريف....؟

فال الغلام:

شلغم

فال السيد :

ما ذا تعنى بشلغم .......!!! وأنا اسألك أصاحت الديكة

وا،ا قلت شلغم ........ اعنى نعم ياسيدى

وليتك أوضحت

تحياتى ياعم وحوى ياوحوى

عييييييب

كسبت الرهاااان

بس يعني ايه

باولد
ويعني ايه

فال

مبروك التوقبع في ثوبه الجديد بعد التأييف
ههههههههههههههههههههههههههههههه هه ههه هههه هههههه هههههههه
يعني ايه وحوى يا وحوى؟؟

مش حسيبك

كلها ايام وخلاص ياحبيب

تبعد عننا وتروح وتغيب

بس امانه بسرعه تيجينا

وتجيب الخير ياأعز طبيب

» مساجلة ( اللي اساء للنبي ) رجاء المشاركة حبا لنبينا الكريم
» 3 اغانى دينيه بمناسبه شهر رمضان الكريم
» بأجمل العبارات وارق الكلمات اهنئكم بقدوم شهر رمضان الكريم..
» مساجلة شعرية فهل من دخول ؟
» مساجلة شعر العامية