مساجلة فى حب مصر أجمل العرايس

هنا تتألق العامية
فى حب مصر و أعتقد بأن البحر موش مهم يا أستاذ الوردانى
لأن الأستاذ وحيد مقلش عليه لكن المهم فى حب مصر
و ده تشجيع للشعراء

لو مصر قالت آه أنا قلت آه يانى
بصرخ و قلبى أنفطر من نبع شريانى
لو كان حديدك عَز على جيبنا و نْسِينا
برضو اللى سارقك عِزْ غيره مفيش تانى

الوردانى ناصف كتب:: ******************************************
الأصدقاء الشعراء المشاركون فى مساجلة (فى حب مصر) 00تحيانى لكم جميعا 00
من شروط المساجلات فصحى كانت أو عامية ان تكتب فى موصوع واحد كما أشار الشاعر
وحيد وصفى بذلك فى البداية 0
- كما أنه من الضرورى أن تكون على وزن واحد او بمعنى أوضح من بحر واحد وهوبحر
البسيط وتفعيلاته (مستفعلن فاعلن مستفعلن فعلن) وهو البحرالذى به الشاعروحيد وصفى المساجلة ولايصح أن يكتب اى أحد خارج هذا البحر والاتنتفى عمليةالمساجلة0
كما يجب التقليل من الزحافات والعلل ما أمكن لأن المساجلة هى اظهار قوة الشاعرعلى االشعراء الآخرين فى اختياره للمحسنات البديعية وصوره الشعرية 0 :afroالوردانى ناصف :

كم أنا سعيد بروعتك أيها العظيم
إلا أننى أخشى أن يغضب البعض
و نحن فى زمن التصـَيُّد ، فإذا قلت
لأحد صباح الخير و لم تعجبه
أقام الدنيا و لم يقعدها

من قبل يوم مولدى و انا باعشـقك جنة
و احلم بخضرة غيطانك خير فى أطياننا
و كـــــــل ما يْكـِش زرعِك قلبى يتقـَطـَّع
ألجـــأ إلى ربِّــــنا و ادعِــــى و أتمنـَّــى

رغم انى مش شاعر الا ان مصر هى كل شى فاقول
مصر التى احبها هى اجمل وطن
فلو جابوا لية كنوز الدنيا متكفيش فى حبك شبر تراب
مصر انتى الامل فى بكرة
ويابلدى بحبك اكتر من حبى لنفسى
انا مش شاعر ولكنى حابب اشارك فى اى شى يكتب عن بلدنا الغالية

أساتذتي الكبار
أعتذر لم أكن أعرف أسس ومبادئ المساجلة حين دخلت.. وشكراً على التوضيح

يامصر انا بعشقك عشقك هوا وميه
ولو ساْلو يوم عنى بفخر اقول مصريه
وفى حبك وعشقك ياما غنو مغناوتيه
ورسملك الفنان صوره على الميه
ونقشلك النقاش صوره فى اديه
وبستانك اللى طرح وروده حوليه
عطر بكل عطوره ورويحه من الجنه
ارضك ياغليه امانه اصلك ارض الكنانه
بعشق هواكى ونيلك وكل مواويلك
حبيبتى يامصر

موضوع: حب مصر السبت مايو 09, 2009 6:00 pm

عذرا أستاتذتى هذه محاولة منى وأرجو أن أعرف رأيكم

يا مصر أنا المصرى وشايلانى فى الننى
ما أقدرش أسيبك يوم يا حلوة أكمنى
متعشق قلبى فيكى دايب ف أوصافك
ومهما كنت بعيد بهواكى وف دمى

موضوع: بحبك يامصر السبت مايو 09, 2009 6:06 pm

بحبك يامصر بارضك ببحرك بنيلك بناسك
بضللك وشمسك وهمسك ولمسك بعشقك
انتي الكبيره فيكي وليكي وبيكي كبرنا
انتي العلا وفيكي الامل بحبك لانك عظيمه

مين اللى قال البلد .. راحت وخيرها راح
ومين اللى قال ابنها مالهش ريش وجناح
دى مصر أم الوجود .. وهى اللى ولاده
وخيرها طارح لنا .. أمل فى كل صباح

موضوع: رد:ف حب مصر الأحد مايو 10, 2009 2:59 am

يا مصــــــــر إنتِ الــــدوا للمرضـــــــى بنفوسهــــــــم

واللـــى عــــادوكِ إنحنــــــــوا ، وطأطأوا روسـهــــــــم

كل اللــــــــى حَـــــــــب إتنصـــــف .. دايبـة وعشقــــــاكِ

وعاشقــــــــة فيكِ الأمــــل .. ف اليــــأس يغـرســـــــــهم

وداد الهـــــــــــــــــوارى

وحيــــــــــد وصفــــــي

يا مصر لو حاوصـــفك أنا حاوصــف الجنة
و اللى بصـــحيح يعرفك عمره ما يســــتنى
دا انتى الأميــــرة اللى ماليه قلوبنا من نيلك
و انتى اللى زارعه الفـَرَح حتى فى أحزاننا

***
بااحب مصـــــر إزاي ؟ .. راح أوصـــــف .. لكــــــم
بااحبهـــــــــــــا آد قلبي لمـّا يوم .. حبكـــــــــــــــــم
ومهما طال الزمن .. مكتوب علي قلبــــــــــــــــــــــي
أحبكــــــــــــــــم آدها .. وأحبهـــــــــــــا .. آدكم !!!
***
أمكــــــــم

زينات القليوبي

وحيــــــد وصفـــــــــي
خاتم أنا فى الصـباع يا صاحبة العصمة
يا اللى انتى طول الزمن مليانه بالحكمة
اللى يطرطق ودانه يســـــــــمعِك تبكى
لكن إذا بَصّ لِك يلقاكى مِبـْتـِسـْمـَــــــه

***

خاتم أنا في الصباع ..( يتبــــــاع ) مع .. الآزمــــــــه
وان ( ياامّه ) سعري رخص .. حاابقي ماليش .. لزمه
لمينا ياأمـّنــــــا .. يكفاكي ( بيــــع ) .. فينــــــــــــــا
سوق النخاســه ( ان فلـــح ) .. حابفرفط الحزمـه !!!
***
بنتـــــك

زينات القليوبي

موضوع: مساجله فى حب مصر الأحد مايو 10, 2009 8:30 am

بحبك موت ياتعبانى وتعبه القلب وياكى
وحلفه يمين على قلبى ما يفكر مره ينساكى
ويغضب قلبى ويسيبك ويرجعك قوام تانى
بقيتى حته من قلبى ومالكه حب وحنانى
وابعد عنك تنادينى تعالى قوام لاحضانى
اغسل دمعى من نيلك يمحى كل احزانى
وتشاورى ليه ارجعلك واسمعلك قوام تانى
وانا اعمل ايه مانا عاشقك وعشقانى
يامصر ياللى مالكانى
بحبك ايوه من تانى بحبك يامصر

لو كنت مصرى بصحيح .. اباك فى يوم تغضب
وتقول عليها كلام .. من كل شىء اصعب
دى مصر ام الوجود .. واحنا السند ليها
ومهما كان العنا .. لازم فى يوم تكسب

حب البلد ياولد .. ماتقولش دى انحلت
ولا انتهت والقيم .. من قلبها ولت
اصبر عليها وعيش .. عمرك ضنا ليها
والبركة فيها تزيد .. مهما فى يوم قلت

يا مصر وَجْه الحبيب أنا بارسِــمُه بقلمك
و دوايا من عِلـِّتى سرسوب لـَبَن غـَنـَمِك
و حَبـِّتين الرُّطب من أوْطـَى نـَخـْلاتِـــك
يجْرى فى دمى العَفـَا أرفـَع قوام عـَلمِك

موضوع: فى حب مصر الأحد مايو 10, 2009 2:15 pm

خـــــان الخـــليلى إنتشــــــــى .. بعِطــر سيدنا الحُســـــــين

والزايـر اللـــــى خشـــــــى .. صلـَّى بخِــــــشوع ع الزيــــــــن

يا ضامـــــــة آل الـــــبيت والحُــــــــــب ف رحــــــــــــــــابك

يا مصــــــــر ياللى جمـــــــالك .. تختِِِِِِِِشــــــــــــــى له العــــين

وداد الهــــــــــــــوارى

الله عليكم كلكم
بصراحة روعة

أنا زرت الاقصر لقيتك نقش فرعوني
و مسلة قالت لنا بالمجد صبُّوني
إيزيس قالت لى بفرح يا أسمر بلون النيل
خلوها بسمة فرح ..أنا قلت ف عيوني

لو شعبها حبها وخافوا عليها خوف
وحب يوم بعضهم وبرغم أى ظروف
حيعود لها مجدها وتعود لزهوتهـــــا
ونشوف دموع الفرح تانى كما المألوف

لو شعبها حبها حيحبوا بعض بجد
والكل يبقوا اخوات وقت الهزار والجد
وبلاش نقول الأنا لانها استكبـــــار
واللى يقول الآنا يلقى البيبان تنسد

مصر العروسة هنا و أجمل هلاقى فين ؟
مين اللى له زيها ملو السمع و العينْ
موش بس نيلها قمر و احنا نجوم عاشقه
أحنا تروس للعمل ع الروعة متعاهدين

لا القلب عمره عِشِق و لا شاف قمر غيرك
حتى فى عِـــــــــز الزهق طاير مع طيرك
من قبل ما يتولِـــــــد صوت نبضِتـُه إسمِك
و لـْحَدّ يوم الحساب بيدُقّ مِـــن خيــــــرك

موضوع: مصر الأحد مايو 10, 2009 6:30 pm

الحب فيكِ حياه ولافيش حياه غيرك
وف عز أحزانك ما يقل يوم خيرك
وأنتى اللى لما احتاج دايماً تلبينى
وأجرى بشوق الحبيب أتملى فى جمالك

موضوع: مصر الأحد مايو 10, 2009 6:42 pm

بلدى و حبيبتى أنا بيحبها ملايين
مالها مثال فى الوفا وكلى ليها حنين
فى البعد باشتاق لها واتمنى أحرسها
و ف عز ليل الدفا تحلى معاها سنين

» مساجلة أجمل واحد / واحدة
» هيا نقول الشعر"مساجلة بالفصيح "
» أجمل ما في فني.!
» أجمل ما فيك
» يللا شارك فى مسابقة : أجمل تعليق