انا الشهيد

تحيه لشهداء اليوم
المجد للوطن
قصيده رثاء للشهداء
بلسان الشهيد
انا الشهيد
بالغدر عمرى انتهى وعليكو عيد
فرحان قوى انك قتلنى بكل خسه من بعيد
شكرا ياخاين للوطن والعيد دا عيدى مانا الشهيد
اما انت اخرك للعفن فجحيم طعامه من صديد
من صلبي تارك زرعتى تحمى الوطن من العبيد
كاتب على كفنى لولدى قصتى وتارى رسمه فالوريد
ودمى واشم طلتك دليل لخسه ملتك وعليك شهيد
اخرك جبان يغدر وهو بيحتمى خلف الحديد
وفاكرنى خايف هنكسر واهرب واسيب وطنى وحيد
بالغدر دمى اللى انتشر وفاكره هدر ده بذره وليد
مولود ومارد بقوته مزروع بقلب صحبتى فارس عنيد
حالف لتارى ينتقم وتعيش ياخاين للوطن مطرود شريد
وتموت ياكلب ماتندفن وافضل انا لوطنى الشهيد
ابنى بدمى هيفتخر ويا الوطن وهينتصر وده مش جديد
شوف التاريخ كده وافتكر تلاقينى دايما للوطن مولود سعيد
طبعا ياخاين للقدر مانت الطريد وانا الشهيد
كلمات امين شرطه
محمد مخيمر

كلمات جميلة و معبرة عن واقع أليم

رحم الله الشهداء

دمت بخير

عاطف عبدالعزيز الحناوي كتب:

كلمات جميلة و معبرة عن واقع أليم

رحم الله الشهداء

دمت بخير

اخى الاكبر استاذ عاطف
شكرا لحضرتك
شرفت بمرورك تقبل مودتى

أين أنتم ياأعضاء المنتدى؟

يامن تعلمتم وعلمتم؟

إنه مظهر من مظاهر عدم الوفاء ونكران الجميل لهذا المنتدى العظيم هجركم له بهذه الطريقة!

في أنتظار معاودة نشاطكم مرة أخرى

أخوكم

طارق منيب

موجودين يا طارق باشا

تنور ياأستاذ/ عاطف

وياريت نرجع أيام زمان