صورة الرحمة

صورة الرحمه
.................................................
ورجعتلك
حامل على اكتافى القلق
ماشى......
شريانى شايل م الهوى
عشق وغرام
محتاج حنان كل اللى راح
مستنى بسمه تضمنا
مستنى لحظه تقولنا
اه اننا...............
هنكون لبعض
والشعر يحلى ............لما يكون مع حد زيك
حد بيفهم فى الجمال
حد نعيش العمر كله
على حلمنا
ناخدله صورة
تترسم جوه القلوب تمثال
ورجعتلك
ورجعتلك والحلم صوره
تترجى فيها النفس بكره
يترسم عشانها ألف حلم
يتهد جواها القلق
تبنى ف خيالنا الحقايق كلها
حلم السنين
والأمل لساه بيحبى ف القلوب
صوره أكبرها تتداري
خلفها كل العيوب
وأقعد أبصلها لساعات
لما الساعات تخنق حاجات بنحبها
لما الاهات تملك حياتنا كلها
كل أما أحس ان العقارب بتعادينى
ومبطله دوران
كل أما أخاف م العقارب ف الجحور
وأعلن العصيان
أرمى الهموم جواكى انتى
على أى خد جوه صورتك
وأحس انه مشتاق لخدى
ويناجينى بكل عبارات الهوى والصبر
والصبر أحسه لما أكون وياكى
بين السطور
عمال بأوزن فى المعانى والكلام
وبكون غيور
علشان بخاف على حلمنايتسرق
بئيد بخور
لفيت بلاد العلم لجل أجيب برواز
لصورة الرحمه
لصورة المحياه
لصوره الاحساس
مالقتش أجمل من مجرى الشرايين
يلف الصوره كالبرواز
ورجعتلك
حامل على اكتافى القلق
ماشى......
شريانى شايل م الهوى
عشق وغرام
محتاج حنان كل اللى راح
مستنى بسمه تضمنا
مستنى لحظه تقولنا
اه اننا...............
هنكون لبعض.
............................................................
شاعر الاحساس
عبدالتواب الرفاعى

أبدعت يا أستاذ عبد التواب ...


إلى عودة بإذن الله