كراريس الـــدم

كراريس الدم
( 1)
أول صفحه
تنادى علىَ الشمس الصَبحه
بشروق جديد
تصحى ف عينى الفرحه
ب بتسامة عيد
(2)
تانى صفحه
ياخدنى الشوق لمدرستى
أصلى الصبح فرض الله
اجرى على لِبسى وحاجتى
وقلمى ف إيدى يامحلاه
(3)
تالت صفحه
وينط الحلم اللى جوه زمانى
ويسبقنى بخطوه أدام عينى
وامشى والفرحه اللى محوطانى
على مهلك ياحبة عينى
(4)
رابع صفحه
الغدر ياعينى مستنى
ف طريق الورده الصبوحه
يقطفها وبإيده متحنى
بدم طفوله مدبوحه
(5)
خامس صفحه
بدل الحرف ف الكراس
بركان دم ماليها وبس
بدل الضحكه ماتبقى واناس
كان الغدر وبدون حِــس
(6)
سادس صفحه
قتلو ف عينك حلم زمان
ربك عالم ومستنيك
قفلو بيبان الفصل كمان
جنة ربك ويامرحب بيك

جميل احساسك العالي اخي الشاعر

سلوى سيد عبدالعزيز كتب:

جميل احساسك العالي اخي الشاعر

ا



الأجمل هو مروركم على صفحتى المتواضعة اختى الشاعرة سلوى سيد عبد العزيو

أخى طاهر
بنبض الألم كتبت فجاءت القصيدة صادقة و معبرة
عن مشاعر عشناها جميعا
أحييك أخى الراقي
أحسنت
لكن العمل أقرب للموزون ليته بركن العامية و ليس نثر العامية
تقبل ودى

شاعرنا الكبير عاطف الجندى
الرقى هو مروركم الكريم
طبت لنا سالما ولاحرمناالله من ثنائكم

الله عليك يا استاذ طاهر
بارك الله فيك

استاذى محمد الجندى
الأجمل هو مروركم
مع تحياتى الخالصة