بدلة عادل - مساجلة شعرية

عادل عوض سند كتب:

عبد الله جمعه كتب:: الإخوة الكرام ... أشيك رجل في مصر هو صديقي عادل عوض سند .. يمتلك من البدل الكثير الكثير مما أثار حفيظة أصدقائه ( عاطف الجندي - محمود جمعة - عبد الله جمعة ) لأنه في كل مكان تلتف حوله الجميلات ويبقى أصدقائه الثلاثة في الظل لا يجدون من يهتم بهم .. فقرر أصدقائه الثلاثة عمل مساجلة شعرية انتقاما منه ولإظهار مدى حسدهم لجماله وهذا أولها .. نرجو المشاركة

خلي فقير الشعر يعيش
يحلم يلمس لقمة عيش
عادل لابس بدلة جديدة
عامل روميو .. ونافش ريش

عادل فاتح زر قميصه
لاجل يقول الصحة تمام
ناسي حفيده يقول له يا جدو
قول لي البدلة جايبها بكام
بيع البدلة وهات سجادة
لاجل تصلي يا جدو حرام

جدو يا جدو الفيس متحرم
اوعى يا جدو تقوم مِتورَّم
أصل يا جدو .. يا روميو .. يا عايق
كل بنات الحتة بتحلم

سيب صاحبك عبد الله يحب
سيبه يكلم مُزَّه .. يقبّ
كل بنات الفيس عاوزينك
إنما هوه .. يا عيني .. مَدَبّ

نفسه في حتة مزه حكاية
تبقى نقاوتك .. تبقى مراية
واد غلبان .. من فضلك سيبه
نفسه يا دوله .. يفوق من عيبه
أحسن جَد يا جدو حرام

عيش .. وانا مانعك يعنى تعيش

بس بلاش ف كلام تنتيش

وان كان يعنى البدله عايزها

حا نفصلك بدلة جيش

ربنا يبعد عينكم عنى

كتر النق الفقر لازمنى

شهر واكتر قاعد وحدى

ولا { مزه } بتقرب منى

طب هتجيب لي بدلة جيش
علشان أنت يا روحي تعيش
طب وحياة أمي المرحومة
هالبس لك قفطان م الخيش

واعمل لك خبلان مجنون
واقعد لك فيها لطالون
وان يوم جت لك مزه تعاكسك
هاعمل محضر في الكراكون

عادل عوض سند كتب:

عبد الله جمعه كتب:: نفسي أجيب كام بدلة نضيفه
أتعايق واعمل تشريفه
لكن جيبي يا ناس متخرم
مش لاقي لو ميت تعريفه

إنما عادل .. عايش نار
جايب بدلة بستة زرار
لما بيظهر واقف فيها
قلب المزه بيعمل زار

نفسي أشوفه يجيب قفطان
أو بعبايه .. زاينها قيطان
رايح .. جاي .. عايش ف المسجد
ما نشوفهوش في البدلة يبان

بدلة بتسرق في الأضواء
واحنا يا عيني نعيش في زقاق
طب وحياة أمي المتعوسه
من شياكتها جاني فتاق

عندك حق يا عبده تعالى

حا نفصلك بدله حكايه

وحا تلبسها تجيلك حاله

وحا تلبس ميت الف جنايه

لما تعاكس واحده وجوزها

ماشى معاها يطوّل ايده

واللى تبص وتلوى ف بوزها

واللى تقوله اديله وزيده

يعنى تجيب لسعادتك كافيه

والناس حا تطاردك فى السكه

تصبح معدوم صحه وعافيه

ولا يفضل منك غير { دِكّه }

( دكه ) ف عينك ما البسهاش
لو كانت ف السوق ببلاش
أنا ( بدباره ) وحياة والدك
شغل صعايده ما شيء ينحاش

عادل عوض سند كتب:

عبد الله جمعه كتب:: عادل .. مش عادل بالمره
لابس بدلة .. طلع م الجره
وصحابه لابسين قفاطينهم
من هلاهيلها .. لحد السره

عادل لابس أحسن بدله
خفه أنيقة .. ما في مجادله
بس لأنه طويل ع الآخر

تلاتين متر يا دوب ع العادلة

ماشى ياعم حا اشيلك حته

متر وربع يادوب عالبيكو

تعمل بدله تحلى الجته

رغم انا عارفك تشبه { ريكو }

اما الباقى تشيله لعيدك

تظهر شيك وف وسط الناس

وانا حا نوصى الترزى بتاعى

يعملك جنبيها { لـــ ..... }

هههههههههههههههههههههههههههههههه

ليلتك طويله ...

ما فهمتش اللام فيها إيه
ابعتها لي يا واد ع الخاص
أحسن أعمل لك ميت ظيطه
قول لي قوام هاعملها خلاص

عادل عوض سند كتب:

عبد الله جمعه كتب:: والكرافتة تقولشي عامود
ست امتار من طول العود
من عوجانه جاب كرافته
من نفس قماشه الموجود

من نوع البدلة الكرافته
حلوه ورايقه .. زي ( بافته )
مش ناقص غير يكوي شرابه
لاجل ما يرمي علينا الجته

واحنا شرابنا يا عيني يهر
والقمصان عماله تخر
من تعاستنا نروح ونأجر
لاجل السهره علينا تمر

محمود جمعه بيقول جاي
وابن الجندي بيعزف ناي
يبكي ويندب حظه النايم
وانا من خيبتي دلقت الشاي

مين يا جماعه يقول له ده عيب
ترمي صحابك وانت حبيب
فكر يوم الآخرة بتاعتك
هتقول إيه .. الأمر رهيب

هتقول سبت حبايبي .. يهشوا ؟
وف ركن العواجيز بينشوا ؟
مش لاقيين حتة مزايه
واقفين مني يا دوب بيغشوا ؟

هههههههههههههههههههههههههههههههه

دا انت مصيبه ..

اصلى خلاص اتغديت . وحا اطلع الجمبرى عليكم

هههههههههههههههههههههههههههههه

...........................................

ما انت حاولت تقلد امى

شفتك بالكرافته البمبى

طلعت كيس لمخده قديمه

فصلته .. طب وانا ايه ذنبى ؟؟

لكن عاطف واختراعاته

لما يحب يقلد يفشل

بيقطع اكمام بيجاماته

م الضحك الكرافته بتقتل

وبشوف حوده من شراباته

منها بيعمل كرافتاته

اى شراب ترميه حا يقولك

ليه ترميه ؟؟ من فضلك هاته .

جمبري ؟ شاكلك واكل كوسه
أنا بقى واكل عجل حمام
لابس بدلة وكات ملبوسه
وف رجليك شبشب حمام

أحمد رجب معيط كتب:: كلمة حق .. عادل شيك

وكلمة جدو بايخة عليك

انسي يا دولة دول حساد

وحسدهم مش هيأثر فيك

ألبس بدلك واتأنتك واتشيك

غيظه كمان خليه يعمل زيك

عاكس واتعاكس .. عيش

غير مززك مع الوان بدلك

ما تغروش وحياتك تاني
شاربين منه كاسات م المر
أصل صاحبنا معانا أناني
خلي ( الدكة ) بتاعته تهر

Nadia Mohammed كتب:: والله انتوا اصحاب حلوين

على حتة بدلة اتلميتوا

وتقول نحسد ومش عارفين

شوفوبقة لو كانت بنوتة

وكلامنا كان على الفساتين

الوان ايه واشكال عال

وموضة تقوم زلزال

سيبتوا ايه لشابة عادية

ولا موظفة أم عيال

لما تشوف موزّة معدية

لبسة بلوزة بالف ريال

مش هتكلم بقة ع الجيبة

دى عايزالها مرتب عال

سيبوا عادل بالبادلة بتاعته

والكرافتة ده طلع غلبان

وخلينا على طول فاكرين

عمر الواحد ما كان بالبدلة

ولا الواحدة بالفساتين

عجبتنى المحبة اللى لاقيتها

والطيبة اللى ما بينكوا كمان

قولت اتدخل واكتب حاجة

و مش تقولوا عنى حشرية

انا كنت بس معدية

قولت اسلم واتعرف

على صحبة هايلة و عشرية

أصله غايظني .. دا واد حبيب
لابس بدلة وعامل ديب
من كام يوم كان لابس بدله
ومفصلها من غير جيب

أنا من غيرتي هافصل جيبه
والبس تايير لاجل يشوفني
نفسي يسبل عينه لأهلي
ما انا أمور والمولى حارسني

سلوى سيد عبدالعزيز كتب:: عادل لابس بدلة جديدة

قال حيقابل مزة جديدة

عشمان تبقي الليلة سعيدة

واحدة عرفها من ع النت

بس ياعيني طلعت عيضة

**************

وحشتوني جدا جدا جدا

تحياتي

طول الليل قاعد ع ( الفيس )
لابس بدلة كمان في البيت
والستات نازلين تهييس
واحنا بنشرب طينه وزيت

بدلة عادل..بتفكّـرني

بالستاموني في فيلم الكيفْ

بس بجد اللّي محيّرني

لابس البدلة إزاي في الصيفْ ؟!!!!

رضا محمود كتب:: بدلة عادل..بتفكّـرني

بالستاموني في فيلم الكيفْ

بس بجد اللّي محيّرني

لابس البدلة إزاي في الصيفْ ؟!!!!

ههههههههههههه
بدلة عادل حاجة نضيفه
مش كستور ولا حتى قطيفه
بدلة عادل من تيل ناديه
أصله عاملها للتشريفه

وبتسأل ليه لابسها ف صيف ؟
لو تعرف ! فيها سر مخيف
أصله من حبه للبدله
ركب تحت الباط تكييف

ركب في الكمين شفاط
لاجل ما يطرد منها الريحه
يعني ف صيف لو فيها شياط
ما يهموش ما يخافش فضيحه

واما بيمشي يدوس بنزين
بدلة بتمشي بآخر سرعه
بدله بتنفع ع الوشين
ومطعمها بآخر جرعه

بدلة عادل ماشية برخصه
أجره وخاصة ونقل كمان
دولي يسوقها ومرخصها
لنقل الموتى في الأحزان

في الأفراح تلاقيها ف زفه
بدلة أنيقه وآخر خفه
بيزوقها بورد وزينه
تلقى الكوله بودن وشفه

بدلة عادل أصفر ف اسود
تاكسي بيمشي ع الكورنيش
واما تشوف المزه بتحود
أصله منجدها بالريش

مره وقفنا بيها ف لجنه
طلع للظابط رخصتها
كان بيسوقها بسرعة مخالفه
أخد الظابط قال نمرتها

هههههههههههههههههههههههههههههههه

طب والنبي دمكو شربات
ضحكتوني وكنت بعيّط
على بدلة عادل بالذات
فكرتوني بكل مساجلة
بتجّمعنا ولا الاخوات

بدلة عادل بس ناقصها
لولي وترتر مهي لميع
جي يتأنتك بيها لابسها
لما تشوفوا تقول دا مذيع

وفاء أمين كتب:: هههههههههههههههههههههههههههههههه

طب والنبي دمكو شربات
ضحكتوني وكنت بعيّط
على بدلة عادل بالذات
فكرتوني بكل مساجلة
بتجّمعنا ولا الاخوات

بدلة عادل بس ناقصها
لولي وترتر مهي لميع
جي يتأنتك بيها لابسها
لما تشوفوا تقول دا مذيع

أيوة مذيع نشرة أخبار
قيمة وسيما وخفه وزينه
بس البدلة ناقصها زرار
لاجل ما تتحول فاترينه

لولي وترتر ف الأفراح
بدلة رقص بوسط مدندش
أول لما هاشوفه لابسها
راح انقط بجنيه واتدروش

بدلة ( كوريا) ف فيلم هنيدي
لما بتطلع بتجنني
هزة اتنين وتلاته يا سيدي
ما هو ده إللي يا أختي هابلني

طب وحياة ( حسني ) المخلوع
بدلة ألاجه وشغل سياسه
لو راح ابات محروق م الجوع
نفسي أبات لو في الدواسه

نفسي أروح واعمل عيان
واشحت منه بدله البسها
لونها أزرق ولا شغل ليمان
ربك هو المولى حارسها

بدلة عادل لما ينام
يقفل من جوه بترابيس
متقسمه أوضتين ورسيبشن
عفشة ميه وليها هويس

والمنور بيرد الروح
حاجه جميله وفيها طراوه
أصله فارشها من مطروح

والبرقع دمياطي نقاوه

ومبلطها بالسيراميك
( كليوباترا ) وما ليهاش تقليد
والسجاد من شغل بلدنا
ووسط البدله النجفه تقيد

مكتوب عالبدلة المذكورة

حاسب يعني وقوف متكرر

متقولشي دا لعيبّ الكورة

كل اللي تقرب له تفرفر

حاطط عند الباب مشايه
يمسح فيها قوام رجليه
تحت الكول حاطط صفايه
لاجل يصرف ياختي عليه

بعد ما يدخل فيها يمين
يلقى الحوض من سخن وبارد
جيبها افرنجي بشطافتين
بيمدد رجليه بالجامد

أصل الخياط كان سباك
من منازلهم شغل عموله
عمل الصحي وجاب سلاَّك
والمواسير في الرجل الشوله

وفاء أمين كتب:: مكتوب عالبدلة المذكورة

حاسب يعني وقوف متكرر

متقولشي دا لعيبّ الكورة

كل اللي تقرب له تفرفر

هههههههههههه
مكتوب ع البدله المذكوره
حاسب لا هتتعاص م البويه
واما يروح بيها المعموره
يبات محجوز آه يا عيني يا اخويا

عبد الله جمعه كتب:: حاطط عند الباب مشايه
يمسح فيها قوام رجليه
تحت الكول حاطط صفايه
لاجل يصرف ياختي عليه

بعد ما يدخل فيها يمين
يلقى الحوض من سخن وبارد
جيبها افرنجي بشطافتين
بيمدد رجليه بالجامد

أصل الخياط كان سباك
من منازلهم كان شغال
عمل الصحي وجاب سلاَّك
لاجل ما تتسلك في الحال

ه

هههههههههههههههههههههه
طب قوللنا مين النقاش

اللي نقشها وغاظك منها

جاب الوان الدنيا وعاش

عادل كان فين لما دهنها

عادل واد حبيب ----- وفلاتي

جت لة رسالة تقول يا حياتي

انا حنتظرك----- عند الحاتي

ولبس بدلة وراح ---- متشيك

ولما قابلها صرخ -- دي مراتي
**************

عادل والله يا ناس محسود

اصل جمالة مالة--- حدود

شوفتوا اليدلة--- ولا العود

ربي يصونك من حسادك

ييجي في عينهم مليون عود

عادل لابس بدلة---- جنان

شوفت وراة طابور نسوان

من كتر المزز اللي --قابلها

عقلة ياعيني -- حصلة جنان

**********

عادل لابس شورت وكاب

شوفتة بياكل ربع كباب

لما سآلتة فين احبابك

قالي خلوا حياتي هباب

*************

» دكان عادل ( مساجلة شعرية )
» مساجلة شعرية فهل من دخول ؟
» يا دبوسك - مساجلة شعرية جديدة
» مساجلة بلكونة عادل
» ترام أم القوافي مساجلة شعرية