صلاة الرحيل

لملمت كل السحاب
ورسمت علي كل سحابه مهزوم
ضللت علي رمش الشجر
ورشقت سهم الانوثه فوسطهم
كان قصدي
اجدل انتمائك للرجوله
بين هنا وهناك
من عرق الشموع السهاري
كرباج حنين
من قلع شوك الارض
دمدمه كفايه
لجل ما يلين حجر
شادد رحالك لفووق
( ارميها ف اي مكان واخلص بقي )
مكنش ليا الكلام
خلاني اعيد الربطه من تاني
وافك حاجات
معقوده ميت عقده
ولو عنيك بصت ورا وقت الرحيل
تقدر تشوف ضهر العجوز
سنام جمل
مربوط
ف شكك ان الشمس هتبصلك تاني
وف لحظه ما تيأس من التوبه
تلاقي نور قلبك امام
فارش سجاده امل
ورافع ايديه بيقول
( نويت ....... ان انسي )

أخى محمود
تحياتى و تقديري
لحرفك الجميل
كنت هنا و سعيد بما قرأت

نص بديع متجانس متناغم

واضح الفكرة

دام الابداع

اشكركم جميعا يا سيدي