حضن بلادى

موضوع: حضن بلادى الخميس مارس 01, 2012 2:02 pm

حادى بادى ماخدش الا دى

الف واطوف الدنيا بحالها

و ارجع تانى لحضن بلادى

جدى وجدك كان فلاح

رغم شقاه عايش مرتاح

متهنى من خير الوادى

حادى بادى ماخدش الا دى

واد يا مجاهد لازم تعقل

حتفوتها لمين لما حترحل

دى حبيبتك وعليك بتنادى

ازاى تحلم بالمستقبل

و تتمنى انه يكون اجمل

و انت ملكش جذور او ماضى

حادى بادى ماخدش الا دى

صوتها فى قلبك كان بيقول

مهما البعد ما بيننا يطول

انا برده اولى بولادى

دق بقوة على ابوابها

ارجع ليها وحب ترابها

تلاقيها بتمد ايادى

حادى بادى ماخدش الا دى

الف واطوف الدنيا بحالها

وارجع تانى لحضن بلادى

موضوع: رد: حضن بلادى الخميس مارس 01, 2012 7:13 pm

جميلة جدا
ربنا يوفقك

موضوع: رد: حضن بلادى الثلاثاء أبريل 03, 2012 6:29 pm

يا رب يحفظ مصر من كل شر كلمات جميلة في اشتياق لسماع المزيد

موضوع: رد: حضن بلادى الأحد يوليو 01, 2012 6:50 pm

تحياتى و تقديري
لروعة كلمتك هنا
دمت بخير

موضوع: رد: حضن بلادى الجمعة يوليو 06, 2012 4:33 am

مرحبا بك

كلمات جميلة جدا ...و وطنية صادقة

محبتي

موضوع: رد: حضن بلادى الجمعة يوليو 06, 2012 8:20 am

الشاعر الصغير الكبير

دام الابداع

» حياتى بلادى
» صباحك ورد يا بلادى
» ف حضنك يا بلادى
» راح أدى بلادى ما تطلب
» صرخه بلادى