مساجلة أجمل واحد / واحدة

وانا راح اقول ع اللى مزعلنى
من كل الشعرا الحلوين
أبو القوافى دا هايجننى
قولى يا عاطف ألاقيه فين
كل ما اكلمه على محموله
يضرب بدل الجرس اتنين
ولا بيرد فى مره عليا
وانا محتاجه اجيبه منين
.......
هو عشان فى النحو ضليع
عايش هو وعمد ه يضيع ؟
لما احتاج له ف مسالة صعبة
ينسى ويهمل بالأسابيع
..........
عمره ما فكر يسأل عنى
رغم انو اقرب واحد منى
وانا بحتاجه ف كل امورى
بس التقل ده هيجننى
............
رغم ده كله انا حبه ف قلبى
اجمل واحد شفته ف دربى
لو هيزيد فى القسوة قيراط
راح ازود فدان من حبى
..................

شكرا لكل من ساهم فى هذه المساجلة الشيقة
و اكيد قد أدت غرضها
شكرا أخوتى
و مع مساجلة أخرى
نلتقي
دمتم بخير